2 Crónicas

6 Nok’oba zok’ada kĩrãk’a, iyi bed’ea edebaribara Israel jõma akʉza Judá jõma edekʉasi nok’o kartarata adewara nok’oraita trajapanʉraneta jarasi: «Israeldebema ẽbẽrarã jẽda zeidua Jeowama (Abrahán, Isaac akʉza Israel Zeze) mawũã iyira jẽda zemarẽã nok’o Asiria juwadeba ẽdrʉkʉadata. 8 Ũrĩama bararaidua mara nabemaba obada kĩrãk’a. Awuarabʉrʉ b’aidua Jeowa juwa edre akʉza zeidua iyi santuarioma, maʉ̃ra iyara neneẽãbʉ k’ãrẽ ewari jõmaʉ̃nẽ, oidua Daizeze Jeowaba jarabʉta; mawũãra iyira kĩrʉnʉma ẽ bayi marabawara. 9 Marata Jeowama zera, yi mebẽrã karselde erpanʉrãra akʉza yi wũãwũãrata, maʉ̃rãra so zʉbʉriata ũdubidayi akʉza iduaribidayi jẽda wãmarẽã maʉ̃ drʉa eda, Daizeze Jeowara so borekea baera akʉza so zʉbʉria akʉbʉ baera, marata iyima wãra doba iduribi ẽ bayi.