2 Crónicas

4 Akʉza Jerusalénʼnebema ẽbẽrarã jarasi diadamarẽã saserdotera akʉza levitara diaibarabʉra, mawũã Jeowa leyba jarabʉ awa odamarẽã. 5 Maʉ̃ jarasidade israelitarabara diasida yi ne u nããrabema serealdebemara, bino yiwidibemata, aseitedebemata, kõrãbaridebemata akʉza jõma drʉade netabʉra mejãcha diasida ãya 10 porsiento diaidebemara. 6 Ẽbẽrarã Israeldebemaba akʉza Judáraba, pʉwʉrʉ Judádepananarabida wesida yi 10 porsiento pakadebemata akʉza obejadebemata, adewara yi 10 porsiento nekʼãrẽ neneẽãbʉdebemata, maʉ̃ra diasida Jeowaʼa yiwidʼita. Jõma wesida, akʉza mejãcha jʉrepenʉmʉsida 9 Ezequíasba widisi saserdoteraʼa akʉza levitaraʼa, mejãcha jʉrepeda ʉ̃rʉ, 10 akʉza Azarías Sadocdedabema saserdoteba jarasi: Jeowa deda kʼãrẽ we jʉ̃drʉdadeba, ẽbẽrarã nekopanʉ jãwũãñena, mawũãsidu bʉ waidide mejãcha, Jeowaba kʼarebabʉ baera iyi pʉwʉrʉra, naʉ̃ jõma yi bedadara».