Éxodo
4 Mamina Moisésbara panʉsi: «¿K’ãrẽta oi mʉ̃ bed’eata ĩjãna ẽ bʉrʉ akʉza ũrĩ ẽ bʉrʉ? Jaradai baera, Jeowara bʉa yi ũdubi ẽ basi». 2 Aramaʉ̃ta Jeowaba widisi: «¿K’ãrẽta juwade erbʉ?». Moisésba panʉsi: «Bakuruta». 3 Daizezeba jarasi: «Balbʉetara egoro eda». Iya egoro eda balbʉetabʉrʉde, bakurura dama batotosi. Maʉ̃ k’area Moisés’ra ara jĩgatotosi. 4 Aramaʉ̃ta Jeowaba jarasi Moisés’a: «Juwaba jidara yi drʉma». Mawũẽra juwaba jidasi damara maʉ̃ne akʉza bakurubasi. 5 Aramaʉ̃ta Daizezeba jarasi: «Mawũã ãya k’awuayi Jeowara bʉa yi ũdubisita, bʉ Daizeze zõrãrãenabemata, Abrahán Daizezeta, Isaac Daizezeta akʉza Jacob Daizezeta». 6 Adewara Jeowaba jarasi: «Mʉ̃ bia ok’ãrãpe, bʉ juwara bʉa wua jʉ̃bʉ edre eda bʉera trʉãne». Aramaʉ̃ta Moisésbara juwa bʉesi, mawũã obʉrʉde iyi juwara torroa jira edasi yagaba. 7 Maʉ̃ tẽã Daizezeba jarasi: «Akʉza bʉ juwara bʉa wua jʉ̃bʉ edre eda bʉera trʉãne». Aramaʉ̃ta Moisésbara juwa bʉesi. Maʉ̃ jẽda jira edabʉrʉdera akʉza jẽda neneẽãbasi iyi yara kĩrãk’a. 8 Daizezeba jarasi: «Bʉa nãã naʉ̃ta oũdubibʉrʉde ĩjãna ẽ bʉrʉ, yi ũme oũdubibʉrʉta ĩjãnañi. 9 Mawũãsidu naʉ̃ kĩrã ũme oũdubibʉrʉde ĩjãna ẽ bʉrʉ akʉza ũrĩkĩrãna ẽ bʉrʉ, mõbe Nilo dodebema jueda k’ãrãpe egorode wea bʉera. Bʉa bania Nilode juedara wabaya egorode. 10 Aramaʉ̃ta Moisésba jarasi Jeowa’a: «Kĩrãduara Jeowa, mʉ̃ra bia bed’eabe ẽ bʉ, mʉ̃ra mawũã zebʉrʉ akʉza bʉ mʉ̃me bed’easidebida mawũãbasi, bʉ nezok’ara. Mʉ̃ra pikãga bed’eabʉ adewara mʉ̃ra bia bed’eabe ẽ». 11 Jeowaba widisi: «¿K’aiba diasi ira ẽbẽrarã? ¿K’aiba oseabʉ ẽbẽrã bed’ea ze ẽã bamarẽã akʉza ũrĩ ẽ bamarẽã? ¿K’aiba jẽda dabʉ ũdubiseabʉ akʉza dabʉ ũdu ẽã oseabʉ? ¿Mʉ̃a oseabʉ ẽka, Jeowaba? 12 Maʉ̃ba wãra bʉra. Mʉ̃ra bʉmebayi bʉ bed’eabʉrʉde akʉza mʉ̃a jaradiayi bʉa k’ãrẽta jaraita». 13 Iya panʉsi: «Kĩrãduara Jeowa, mamina awuru ẽbẽrata zok’ara, bʉyimabʉta zok’ara mʉ̃ bia ok’ãrãpe». 14 Jeowara mejãcha kĩrʉsi Moisés’a mõbe jarasi: «¿Bʉ mebẽã Aarón lebitadebemata erbʉ ẽka bʉara? Iyira bia bed’eabʉ . Iyira nama uru bʉme yi ũdui baera akʉza iyira mejãcha sobiayi bʉ ũdubʉrʉba. 15 Jõma nebʉrada mʉ̃a jaradata mõbe jarada k’ãrẽta jaraita. Mʉ̃ra marabawarabayi mara bed’eabʉrʉdera akʉza jaradiayi k’ãrẽta oita. 16 Iyira bed’eayi pʉwʉrʉ’a bʉ bari akʉza bʉ nemi edebaribayi. Adewara bʉra Daizeze kĩrãk’abayi iyita’a. 17 Adewara, naʉ̃ bakuruta juwade erbayi bʉara naʉ̃ba nek’ãrẽ oũdubita». 24 Naʉ̃ta jaraibara paraon’a: Naʉ̃ta jarabʉ Jeowabara: «Israel’ra mʉ̃ wũãwũã nabema. 25 Maʉ̃ba mʉ̃a bʉa jarayi: idu bʉera mʉ̃ wũãwũãrãra mawũã mʉ̃a yiwid’idamarẽã. Mamina bʉa maʉ̃ta idu bʉe ẽ bʉrʉ mʉ̃a beayi bʉ wũãwũã nabemata».