Juan

6 Mama basi Jacob pozota. Jesúsʼra oba mapae zebaera jewedasi pozo kʼaita, ũmatipa bade basi. 7 Aramaʉ̃ta yuwẽrã Samariadebemata deguesi bania jʉede. Mõbe Jesuba jarasi: «Diara bania doita». 8 (Iyi kʼaidupanʉrãra wãsida pʉwʉrʉ eda yiko edade). 9 Aramaʉ̃ta yuwẽrã samariadebemabara widisi: «¿Sãwũã bʉ judioba yuwẽrã samariadebema bania widinʉmʉ?». (Judiorãra yi bedʼeada ẽ basi samaritanorabawarara). 10 Jesuba panʉsi: «Bʉa kʼawuabasibʉrʉ Daizezeba nebia diai erbʉta akʉza bʉa kʼawuabasibʉrʉ kʼaiba bʉa jarabʉta ‹Diara baniata›, mawũãra bʉabʉrʉ iyaʼa bania widikasi, mõbe iya bʉa diakasi domarẽã bania dayi babibʉta». 11 Iya jarasi: «Mamina bʉra neẽ kʼãrẽba bania juedaira akʉza pozora nãbʉ. ¿Sama ũdui bʉa maʉ̃ bania dayi babibʉra? 12 ¿Bʉra audre yi zromaka dai nããbada Jacobʼira? Iya daita amaesi naʉ̃ pozora, namaʉ̃ba bania dobasi iyita, yi wũãwũãrata akʉza iyi pakarata. 13 Jesuba panʉsi: «Jõma naʉ̃ bania dobʉdara jẽda obisiadayi. 14 Mamina yi mʉ̃a bania diabʉrʉta dora, wua obisiakabayi. Awuarabʉrʉ mʉ̃a bania diabʉrʉra iyide drʉbayi ewari jõmaʉ̃nẽ bʼaita» 15 Yuwẽrãba jarasi:«Maʉ̃ baniata diara mʉ̃a, wua obisia ẽ baita, mawũã wua nama ze ẽ baita bania jʉede». 16 Iya jarasi: «Wãra bʉ kima trʉ̃ne akʉza zera». 17 Yuwẽrãba panʉsi: «Kima neẽ mʉ̃ra». Jesuba jarasi: «Bʉa bia panʉbʉrʉ kima neẽã abʉrʉba, 18 bʉra kima edada juesomabʉa, atia bʉa erbʉra bʉ kima ẽã, bʉa jaradara wãrĩnu». 19 Yuwẽrãba jarasi: «Mʉ̃a akʉbʉ bʉra propetata. 20 Dai nãã badarabara Daizezea yiwidʼi panasi naʉ̃ katumane, mamina maraba jarapanʉ yiwidʼibarata Jerusalénʼnebʉrʉ». 21 Jesuba Jarasi: «Wẽrã, ewarita zeya mia naʉ̃ katumane mia Jerusalénʼne Daizezea yiwidʼida ẽ baita. 23 Ewarita zeyi, maʉ̃ ewarira ya zesi, yi wãrĩnu Daizezeʼa kãga ũdubipanʉrabara odaita jauredeba akʉza wãrĩnu. Daizezebara mawũãbʉrata jʉrʉbʉ baera iyaʼa kãga ũdubidamarẽã. 24 Daizezera jaure, mõbe yi iya kãga ũdubipanʉrãbara, odaibara jauredeba akʉza wãrĩnu. 31 Maʉ̃ena iyi kʼaidupanʉraba jarasi: «Nejaradiabari, nekora». 32 Mamina iya jarasi: «Mʉ̃a erbʉ yiko aba koita marabara kʼawua ẽ saʉ̃ta». 33 Maʉ̃ kʼarea iyi kʼaidupanʉrãra yiya bedʼeapanasi: «Miõba weda ẽ basi yikora, ¿bʉmabida?». 34 Jesuba jarasia ãyaʼa: «Mʉ̃itara mʉ̃ zokʼabʉba jarabʉ oira yiko kĩrãkʼabʉ akʉza jõma oita iya zokʼadata. 35 Ne b’ʉaita akʉdai kĩrãk’a akʉidua drʉade ẽbẽrabeta, mʉnebemata ĩjãitanʉmʉa