Juan

2 Ewari ũbea berabaribʉrʉde juwa jidada piestata osida Caná Galileade, mama basi Jesu papara. 2 Akʉza jarasida juwa jipanʉ piestama jʉ̃ẽmarẽã Jesuta iyi kʼaidubemarabawara. 3 Bino jõbʉrʉde Jesu papaba jarasi: «Bino jõdogo». 4 Aramaʉ̃ta Jesuba panʉsi: «¿Dayara sãwũãi maʉ̃ra ẽbẽra wẽrã? Waidide mʉ̃ ewari ba ẽã». 5 Yi papaba jarasi bino diapanʉra: «Oidua iya kʼãrẽ jõma jarabʉrʉta». 6 Aramaʉ̃ta mamara basi sei kʉgʉrʉ mõgara omarata baniaita, maʉ̃rabasi judiorata juwa sʉgʉdamarẽã. Kʉgʉrʉ aba abakaʉba arabasi 44 litro mawũã ẽ bʉrʉ 66 litro. 7 Jesuba jarasi: «Baniaba biraidua kʉgʉrʉra». Aramaʉ̃ta birabisida. 8 Maʉ̃are jarasi: «Wiña jʉedadape edeidua piesta ara obʉma». Aramaʉ̃ta ãyara jʉe edesida. 9 Yi piesta ara obʉba do akʉbʉrʉdera bania binobadata, kʼawua ẽ basi baera samaʉ̃ba wedata (mamina yi bania ededabara kʼawuabasi samaʉ̃ba zedara), trʉ̃si yi juwa jidadata 10 mõbe jarasi: «Jõmaʉ̃ba nããra diapanʉ bino warrata maʉ̃are ẽbẽrarã kirapʉrrabʉrʉde diapanʉ bino warra ẽãta. Mamina bʉara bino warrara wuagasi ʉ̃rabʉrʉ diaita». 11 Jesuba Caná Galileade miõba okata osi, naʉ̃ra yi nããrabema basi. Maʉ̃ne ũdubisi iyi zareata, maʉ̃ kʼarea iyi kʼaidupanʉrabara ĩjãsida iyi ʉ̃rʉ.