Isaías

5 Abaʉba jarayi: «Mʉ̃ra Jeowade». akʉza abaʉta iyikʉza trʉ̃gayi Jacob akʉza awuruba iyi juwade bʉyi: «Jeowade». Akʉza erbayi Israel trʉ̃ta. 7 ¿Kʼaita mʉ̃ kĩrãkʼabʉ? Jaramarẽã akʉza ũdubimarẽã mawũãta. Jaramarẽã kʼãrẽ berabaritanʉmʉta akʉza ʉ̃ra zeide kʼãrẽta berabarita, mʉ̃ pʉwʉrʉ jidadadeba ya mʉ̃a ozebʉrʉ kĩrãkʼa. 8 Peraraidua; perabiba ariya piki beraidua. ¿Mʉ̃a naʉ̃ta naena jarasi ẽka maraʼa? ¿Mʉ̃a jarasi ẽka? Marara mʉ̃ ʉ̃rʉ kʼawuabibarira. ¿Mʉ̃ awuara Daizezera bʉka? Neẽ, neẽ awuru Mõgara zromara, mʉ̃ara ũduka›». 9 Jõma nekʼãrẽ oma opanʉra zeri ẽ, ãya nekʼãrẽ opanʉra kʼãrẽita zeri ẽ. Naʉ̃ra nekʼãrẽ omabara ũdu ẽ, mia kʼãrẽ kʼawua ẽ, maʉ̃ba ãyi parãna bari bedʼea ẽ, yi maʉ̃ parãpanʉrãra so peradayi. 22 Bʉ nemitiara mʉ̃ara jipa ãĩ bʉeyi jãrãrãba ara anabari kĩrãkʼa, bʉ kayiruara jãrãrã zromaba ara anabari kĩrãkʼa jipa ãĩ bʉeyi. Mʉ̃ma jẽda zera mʉ̃a bʉra ẽdrʉbi baera. 27 Iya jarabʉ do nabʉa: Erraʉra, jõma poabiyi bʉ dora. 28 Jari Ciro ʉ̃rʉ bed’eabʉta: Iyira mʉ̃ obeja akʉbari, adewara jõma mʉ̃a okĩrãbʉra iya aripe berabaribiyi. Mʉ̃a Jerusalén jarabʉrʉde: Ara odaya akʉza templora: yi wagaʉ barachuaya.