Lucas

19 Mõbe Jesura Jericóde eda jʉ̃ẽsi, pʉwʉrʉ berabari wãbasi. 2 Basi yumakẽrãta aba, iyi trʉ̃ra Zakeo. Iyira Romaita plata widibʉra buru basi akʉza plata mejãcha erbasi. 3 Iyara akʉkĩrãbasi kʼai basita Jesura, mamina ẽbẽrarã mejãchaʉta ararebasi baera ũdu ẽ basi iyira wĩkayirasi baera. 4 Maʉ̃ba nãã toto kʼãrãpe ʉ̃tʉ wãsi bakuru sikomorode Jesu akʉita, mama berabaribodo baera. 5 Mama jʉ̃ẽbʉrʉde Jesuba ʉ̃ta akʉ kʼãrãpe mawũã asi: «Uda zera, idira mʉ̃ra bʉ dedaʼa waña». 6 Aramaʉ̃ta iyira mesera ubaesi, mõbe sobia edesi iyi dedaʼa. 7 Maʉ̃ ũdubʉdadera jõmaʉ̃ta izdra bedʼeasida: «Nemitia omia dedaʼa wãsia». 36 Iyi ode wãne ẽbẽrarãbara ode wuata bʉepanasi. 37 Olivo katumaena eda wãbari kʼawa zebʉrʉdera jõma iyi kʼaidubemarara sobiasida akʉza ibia bedʼeasida Daizeze ʉ̃rʉ, ãya miõba okata ũdusida baera. 38 Ãya jarasida: «Ibia bedʼeaidua Nokʼo Jeowa trʉ̃ne ʉrʉra. Ʉ̃tʉra aduʼa akʉza neneẽãbʉ. 39 Mamina ʉ̃kʉrʉ pariseora ẽbẽrarãne edaduanʉba jarasida: «Mia ũrãgʼabari kʼẽãra bʉ kʼaidubemarara». 40 Iya panʉsi: «Mʉ̃a mara jaraya, naʉ̃rata chupeadara mawũãra mõgarata bʉgadrʉya».