Revelación

2 »Angel kongregasion Éfesodebemaʼa bʉra: Naʉ̃ta jarabʉ iyi juwarare chĩdaura 7 erbʉba akʉza 7 ĩbira oro oma juwa jiwinibarabʉde eda wãbʉba: 2 Mʉ̃a kʼawuabʉ, bʉa obʉta, bʉ zarea trajabʉta akʉza bʉa awuantabʉta. Adewara kʼawuabʉ bʉ iduaribi ẽãta ẽbẽra kayiruara bʉ kʼawa bamarẽã akʉza ũdukʼawuabisi Jesu kʼaidubema apanʉta, maʉ̃ra mawũã ẽãta akʉza ũdusi ãyira sewa nebʉrʉmiata. 3 Adewara bʉa awuantanʉmʉ akʉza mʉ̃ trʉ̃ kʼarea teiteabʉ akʉza bʉra pae ẽãbʉ. 4 Mamina naʉ̃ta bia ũdu ẽ: bʉa nãã kãgabada kĩrãkʼara kãgabʉ ẽ. 6 Mamina bʉa naʉ̃ta bia obʉ: bʉa jʉra ẽbẽrarã Nicolásdebemaba opanʉta, mʉ̃a jʉrabʉ kĩrãkʼa. 7 Yi kʉwʉrʉ abʉbara ũrĩdua jaureba kongregasionʼra jarabʉta: Yi maʉ̃ aripe obʉrʉara mʉ̃a iduaribiyi komarẽã bakuru bebʉdebemata, Daizeze egoro biadebʉta›. 8 »Angel kongregasion Esmirnane bʉba bʉbʉ: Naʉ̃ra bedʼeata iya jarabʉ, yi ‹Nããrabemaba akʉza yi Jĩrʉarebemaba›, iyira beidata akʉza jẽda piradrʉsi: 10 Perarãra nekʼãrẽ ʉ̃ra zʉbʉria berabari kʼarea. Diarubara ʉ̃kʉrʉ maranebemara karselde eda bʉeyi, maraba ũdubidamarẽã mʉ̃me kʼẽrẽpabʉ kʼawuaita akʉza zʉbʉria berabaridayi ewari 10 bayeda. Kʼẽrẽpabara bʉ yi beiyeda mawũãra mʉ̃a bʉra ʉ̃tʉ ewari jõmaʉ̃nẽ babiyi. 12 ‹Mʉ̃a kʼawuabʉ bʉ samabʉra: Diaru bʉmae, mawũãsidu bʉara mʉ̃ ʉ̃rʉ ĩjãbʉta ũdubibʉ. Akʉza maʉ̃ pʉwʉrʉde beasidamina mʉ̃ ʉ̃rʉ ĩjãbadata yi trʉ Antipas, mawũãsidu bʉara mʉ̃ ʉ̃rʉ ĩjãbʉra idubʉ ẽ basi. 25 Maraba ĩjãbʉra zarea erbaidua mʉ̃ zeyeda. 26 Yi pae ẽ takirua akʉza yi jõñinu kʼẽrẽpa takirua, mʉ̃a zareata diayi pʉwʉrʉrata zokʼamarẽã, 27 mʉ̃ Zezeba mʉ̃aʼa zareata zokʼamarẽã diada kĩrãkʼa. Ẽbẽrarãra iya zokʼayi bakuru jiorro omaba akʉza jõma birachikuayi zoko egoro oma kĩrãkʼa.