Isaías
55 ¿Kʼãrẽa marabara gastapanʉ platara pan ẽ bʉrʉ akʉza kʼãrẽa gastapanʉ mara platara mara jãwũã ẽãne? Kĩrãkita ũrĩdua mʉ̃ bedʼeata mõbe koidua nekʼãrẽ biata mawũã sobia bʼaita yiko bia kobʉdeba. 2 ¿Kʼãrẽa marabara pagapanʉ pan ẽ bari akʉza kʼãrẽa mara platara gastapanʉ nekʼãrẽ maraita yibia ẽ bari? Kĩrãkita ũrĩdua mʉ̃ bedʼeata akʉza koidua yiko biata mawũã mejãcha sobia bayi. 6 Jʉrʉda Jeowara ewari erbʉeda akʉza iyi k’awabara. 7 Ẽbẽra kayiruabara idubʉibara iyi ora akʉza ẽbẽra kayiruabara idubʉibara krĩcha kayiruara, jẽda zeibara Jeowama, iya so zʉbʉria akʉi baera akʉza iya biode kĩrãduabʉ baera iyi kayiruara. 8 «Mara krĩchara mʉ̃ krĩcha ẽ, mara ora mʉ̃ o ẽ», mawũã jarabʉ Jeowaba. 9 «Bajã egoro ʉ̃trenʉmʉ kĩrãkʼa, mʉ̃ osida kʼãwũã abarika ʉ̃tʉbʉ maraneira akʉza mʉ̃ krĩchara ʉ̃tʉbʉ, mara krĩchaira. 10 Ʉ̃tʉba kue zebʉ kĩrãkʼa akʉza niewe zebʉ kĩrãkʼa jẽdara wã ẽ bayi drʉa jõma surruayeda, mawũã neta pãwãrabiyeda akʉza ne ubaria neta diayeda, adewara yi nekobʉara panta diayeda. 11 Maʉ̃ kĩrãk’a mʉ̃a bed’ea jarabʉra jõma aripe berabariyi. Kʼãrẽ neẽã jẽda ze ẽ baya, awuarabʉrʉ oyi mʉ̃a kãgabʉde, mʉ̃a maʉ̃ zok’adara jõma aripe berabariyi.