Génesis

2 Aramaʉ̃ta Jacob’ba jarasi yi mebẽrã akʉza jõmaʉ̃’a iyi k’awapanʉra: «Balbʉeidua nek’ãrẽ oma jãpeba zedara maraba erbʉra, sʉgʉidua akʉza wua awuruta jʉ̃ĩdua. 8 Maʉ̃ tẽã Déborara beisi, Rebeca akʉbarita, maʉ̃ta wagasida roble edre, Betel katumabada jĩrʉne. Maʉ̃ k’area trʉ̃gasi Alón-Bacut naʉ̃ bakurura. 22 Israel maʉ̃ drʉade bʉeda, ewari aba Rubén’ra ãba k’ãĩsi Bilháʉ̃me, maʉ̃ra yi zeze kimaranebemabasi, maʉ̃ta Israelba k’awuasi. Jacob’bara wũãwũãrãra erbasi 12. 23 Leaʉ̃meba tosida ãyi wũãwũã nabema Rubénta maʉ̃ adewara tosida Simeónta, Levíta, Judáta, Isacarta akʉza Zabulónta. 24 Raquel’ʉ̃meba tosida Joséta akʉza Benjamínta. 25 Bilhá, Raquel nezok’aʉ̃meba tosida, Danta akʉza Neftalíta. 26 Zilpá, Lea nezok’aʉ̃meba tosida Gadta akʉza Aserta. Naʉ̃ra Jacob’ba wũãwũãra erbadara Padán-Aramne.