Josué
6 Mawẽrã, ẽbẽra Jericódebemarãra miõta ãĩ wãbe ẽ basi akʉza miõta eda wãbe ẽ basi, israelitara kʼarea. 16 Ãya yi sietedebema audu wãside, saserdoterabara kachuta biabisi, maʉ̃ne Josuéba jarasi pʉwʉrʉʼa: «Mejãcha jʉraidua, Jeowaba maʉ̃ pʉwʉrʉra mara juwa edre baebibʉrʉ baera. 20 Mõbe kachu biabisidadera jʉrasi pʉwʉrʉra. Pʉwʉrʉba kachu biabisidata ũrĩsidadera akʉza yõena wãita jʉrasidadera, murora kora totosi. Maʉ̃ tẽãra pʉwʉrʉeda wãri zesida ãyi aba abaka jipa wãsida mama, mõbe ãyide babisida maʉ̃ pʉwʉrʉra. 26 Maʉ̃ ewaride Josuéba naʉ̃ bedʼeata jarasi: «Jeowa dabʉ nãã nekayiruata berabariyi yumakẽrãba Jericó pʉwʉrʉta jẽda parã jʉ̃drʉra. Yi wuagaʉta parãnʉminabʉrʉ yi wũãwũã nããbemata beiyi, maʉ̃ne yi puertarata bʉera yi wũãwũã tẽãbemata beiyi».