2 Timoteo

5 Mʉ̃a kĩrãbebʉ bʉara wãrĩnu ĩjã ũdubibʉta, naʉ̃ra nãã ũdubisi bʉ payora Loidaba akʉza bʉ papa Euniceba akʉza mʉ̃a kʼawuabʉ bʉabida naʉ̃ta erbʉta. 6 Maʉ̃ kʼarea mʉ̃a bʉaʼa kĩrãbekĩrãbʉ tʉbʉ pureabi kĩrãkʼa audre bia owãmarẽã Daizezeba bʉaʼa nebia diadata mʉ̃ juwa bʉ ʉ̃rʉ baside. 7 Daizezebara dayirãra perabari sota dia ẽ basi baera, awuarabʉrʉ so zareata akʉza kãgata adewara bia krĩchaita diasi. 13 Ĩjãbʉdeba akʉza Kristo Jesu kãga ũdubidadeba, obara bedʼea bia mʉ̃a bʉaʼa jaradiadara. 16 Nok’oba so zʉbʉria ũdubiyi Onesíforo dedabʉmae, iya mʉ̃a zareata diabasi baera akʉza pera ẽ basi mʉ̃ karseldebʉ k’area. 17 Awuarabʉrʉ mʉ̃ Romane baside jʉrʉsi mʉ̃ ũduyeda, enaʉ̃ ẽã. 18 Nok’odeba ũdubiyi so zʉbʉriata Jeowaba diabʉta maʉ̃ ewaride. Bʉa bi’ia k’awuabʉ iya mʉ̃ra mejãcha k’arebasita Éfesode.