Levítico

9 Ewari 8dera, Moisésbara trʉ̃si Aarónta, yi wũãwũãrata akʉza zõrãrã Israeldebemata. 2 Aarón’a jarasi: «Bʉita jidara paka zake wũãwũã neneẽãbʉta akʉza karnero aba oprenda bama kĩrãk’a diaita, mõbe Jeowa nãã ũdubira. 3 Mamina israelitara jarada: Jidara yumakẽrã aba kabradebemata oprenda nekayirua oda k’area, paka wũãwũã aba akʉza karnerota aba warrarabʉta (maʉ̃ra neneẽã baibara adewara poaga aba b’aibara aba abaka) maʉ̃ra diaibara oprenda bama kĩrãk’a, 4 toro aba akʉza karnero aba diaibara sakripisio neneẽã erbaita, beaibara Jeowa nãã, adewara diaibara opreda netadebemata aseite eda, Jeowata mara idi yi ũdubi baera». 5 Mawũã edesida karpa de ãba yi jʉrebari nãã Moisésba zok’adata. Maʉ̃are pʉwʉrʉ jõmaʉ̃ba orrasida mõbe piradrʉ besida Jeowa nãã. 6 Moisésba jarasi: «Naʉ̃ta Jeowaba omarẽã zok’asi iyi zarea mawũã ũdubita». 7 Moisésba jarasi Aarón’a: «Altar orra k’ãrãpe mõbe ũdubira bʉ oprenda nekayirua oda k’areadebemata akʉza bʉ oprenda bamata, mawũã bʉ nekayiruata akʉza bʉ dedabemata kĩrãduamarẽã; adewara bʉara ũdubibara opreda pʉwʉrʉdeta, mawũã ãyi nekayirua kĩrãduamarẽã, Jeowaba zok’ada kĩrãka». 23 Maʉ̃ne, Moisésta Aarón’ʉ̃me eda wãsida karpa de ãba yi jʉrebarima, maʉ̃are ãĩ wãna k’ãrãpe pʉwʉrʉ ʉ̃rʉ nebiata jarasida. Aramaʉ̃ta Jeowa zareara pʉwʉrʉra yi ũdubisi, 24 tʉbʉ pʉreara Jeowadeba ze k’ãrãpe oprenda bamata ba wãsi akʉza draga altar ʉ̃rʉ badata. Pʉwʉrʉ jõmaʉ̃ba maʉ̃ta ũdusidade, mejãcha jʉra jʉ̃drʉsida akʉza sãkokode ak’ãrãpe kĩrãbarrusida.