Salmo
145 Mʉ̃a yi zroma babiyi bʉta, Daizeze, Nokʼo, bʉ trʉ̃ ʉ̃rʉ ibia bedʼeabayi ewari jõmaʉ̃nẽ. 2 Ewariza bʉ̃ ʉ̃rʉ ibia bedʼeabayi; bʉ trʉ̃ ʉ̃rʉ ibia bedʼeabayi ewari jõmaʉ̃nẽ. 3 Jeowara yi zroma akʉza iyi ʉ̃rʉbʉrʉ ibia bedʼeaibara, miabaʉba ũdukʼawua ze ẽ iyi kʼãrẽba yi zromara. 9 Jeowara ẽbẽra bia jõmaʉ̃me, iya so zʉbʉria erbʉra ũdupanʉ, iya nejõma parãnane. 14 Jeowabara jidabʉ jõma yi baebodobʉra akʉza piradrʉbibʉ jõma yi mejãcha krĩcha zroma obʉra. 15 Jõmaʉ̃ba bʉta akʉpanʉ nekʼãrẽ jʉ̃ãbʉ baera; bʉa diabʉ yikota bʉya diai ewaride. 16 Bʉ juwara ewabʉ akʉza zok’aibʉra nek’ãrẽ jõma kãgabʉta diabʉ. 18 Jeowara jõma iyi jʉrʉbʉ k’awabʉ, jõma wãrĩnu soiduba jʉrʉbʉ k’awa. 19 Jõma aripe oyi iyi wawiabʉba widibʉra, akʉza ũrĩñi k’areba widibʉ bed’eara, akʉza ẽdrʉbiyi.