Levítico

5 »Yi k’awuabʉta trʉ̃nara jaramarẽã iya k’awuabʉta ẽbẽra abaʉba kayirua ochuta, ũdusi baera mawũã ẽ bʉrʉ ũrĩsi baera, mamina jara ẽ bʉrʉ, iya maʉ̃ba nemitia oda k’area panʉibara. 2 »Nedʉwʉrʉ beida jaigʉabʉta, oidebemata, dedabemata, egorodebemata, ẽbẽra abaʉba tãsibʉrʉ maʉ̃si jaigʉayi akʉza kayiruata oyi, iya k’awua ẽ nãã. 3 Ẽbẽra abaʉba iya k’awua ẽ nãã ẽbẽra jaigʉadebemabʉta tãra (ẽbẽra jaigʉabʉba mawũã ẽ bʉrʉ nek’ãrẽ jaigʉabʉba maʉ̃ jaigʉabiseabʉta), maʉ̃ tẽã iya k’awuara maʉ̃ jaigʉabʉta, iyisida jaigʉayi. 4 »Ẽbẽra abaʉba iya oya adata (nebiata mawũã ẽ bʉrʉ bia ẽ bʉsida) maʉ̃ tẽã k’awuasibʉrʉ mesera bed’eadata, iyi kriñaneba nemitiata oseabʉ. 5 »Maʉ̃nebemata baduba nemitiata ora, maʉ̃bara jaraibara k’ãrẽ nemitia odara. 6 Adewara Jeowaita oprendata edeibara iya mawũã nemitiata oda k’area, nedʉwʉrʉdebemata obeja wũãwũã yuwẽrã zaketa mawũã e bʉrʉ kabrita yuwẽrã zaketa, diaibara oprenda nekayirua oda k’area. Maʉ̃are saserdotebara oyi iya nemitia odata kĩrãduamarẽã. 7 »Iyita obeja diaita neẽbʉrʉ, Jeowaita edeibara tortola ũme mawũã ẽ bʉrʉ pũsĩra wũãwũãta ũme, iya nemitiata osi baera oprenda nemitia oda k’areadebemata diaibara, ibana aba diaibara oprenda nekayirua oda karea akʉza aba oprenda bama kĩrãk’a. 11 »Kõbe, iya tortola ũme mawũã ẽ bʉrʉ pũsĩra wũãwũã ũme diaita neẽbʉrʉ, 9 sãbʉ arinanebemata zebira 10, maʉ̃ 10debemata aba jidaibara, maʉ̃ta diaita oprenda nekayirua oda k’area. Maʉ̃nera aseiteta olibanoʉ̃me bʉe ẽ baibara, oprenda nekayirua oda k’areadebema baera. 15 «Ẽbẽra abaʉba k’ẽrẽpa kãgabʉta ũdubi ẽ basibʉrʉ nemitiata kriña oẽ baera Jeowa nek’ãrẽ neneẽãbʉ nãã, iyara edeibara Jeowa nãã karnero nedʉwʉrʉdebema neneẽãbʉta oprenda nemitia oda k’area. Maʉ̃ sõbe balebʉ k’awuaita zok’aibara Jeowa deda siklozabʉta. 16 Diaibara iya nemitia oda k’area neneẽãbʉmae, adewara iya diaita jarada kĩrãk’a b’aibara ababemasida, mamina maʉ̃ ababemanebemara juesoma drakʉa k’ãrãpe aba diaibara. Maʉ̃ra jõma diaibara saserdote’a mawũã maʉ̃ oprenda karnerodeba kĩrãduamarẽã iya nemitia odata.