Mateo

3 Iyi jeweda baside Olivos katumane, iyi k’aidupanʉraba chũwẽã orradape Jesu’a bed’eata widisida: «Dai’a jarada, ¿maʉ̃ra sõbede berabaripe, k’ãrẽta ũdudaipe bʉ ewaridera, adewara naʉ̃ ewarinʉmʉ jõi ewaridera?». 6 Marabara ũrĩnañi ʉ̃kʉrʉ drʉadera yõnʉmʉta. Jʉra k’awua baidua akʉza perarãidua, naʉ̃ra k’ãwũã berabariyi, mamina wabida ewari jõĩra ze ẽ bayi. 7 Yõnañi pʉwʉrʉta awuru pʉwʉrʉme, nok’ota awuru nok’oʉ̃me, bayi jarrabata akʉza drʉa ureta badʉmae. 9 «Maʉ̃ne marara pewãnaña akʉza beadaya, adewara pʉwʉrʉ jõmaʉ̃nẽbemaba marara jʉradaya mʉ̃ kʼarea». 12 Bia ẽãta eababʉrʉba mejãchaʉba yara kãgada ẽ baya. 14 Akʉza bedʼea bia Daizeze Nokʼo ʉ̃rʉra jaradiadayi naʉ̃ drʉa jõmaʉ̃nẽ ẽbẽrarãba kʼawuadamarẽã pʉwʉrʉra jõmaʉ̃nẽ, maʉ̃ tẽã zeyi jõĩta. 15 »Mawũẽra ũdubʉdade nekʼãrẽ igarata akʉza zʉbʉria obʉta templodebʉta, propeta Danielba jarada kĩrãkʼa (yi naʉ̃ lebʉbara zarea ora ũrĩta), 21 Mõbe bayi zʉbʉria zromata. Naʉ̃ drʉa parãnaneba idibasidu ũduka zʉbʉria zromara maʉ̃ ewaride ũduda kĩrãkʼara akʉza maʉ̃ kĩrãkʼara wua ze ẽ bayi. 24 Zei baera yãrã sewaita kristo kĩrãkʼa akʉza propeta kĩrãkʼa, oyi miõba okata ẽbẽrarã sewaita, mawũã obʉba sewaseabʉ Daizezeba jidadarasida. 37 Noé ewade berab’arid’a kĩrãk’a berab’ariya mʉ Beubari Bape b’ad’ata zebʉrʉd’era. 38 Jari ewadera kue zroma zei nawedara ẽbẽrarãra nekopanasi akʉza nedopanasi, yumakẽrãrãra juwa jidapanasi adewara wẽrãrãra diapanasi juwa jidamarẽã [...] Noé eda jãba zromane wãñena; 39 ĩjãna ẽ basi kue zroma ze kʼãrãpe ãyi jõma makenañena. Mawũã bayi Daizeze warra zebʉrʉde. 40 Mawũẽra yumakẽrãra ũme mea panañi: ãyidebema aba ededayi, ababemara amaenañi. 44 Maʉ̃ kʼarea marasida dauba bʼaidua, Yumakẽrã Warrara zei baera maraba jʉ̃ã ẽ ewaride. 45 ¿K’aipe yi wãrĩnʉ nezok’a jipabʉra akʉza bi’ia krĩchabʉra, Nok’oba zok’a amaenara jõma iyi dedabʉta, yiko diamarẽã nekobari ũmadaʉde? 46 Maʉ̃ nezokʼara sobiabʉ iyi zokʼabʉba ũdu zebʉrʉde maʉ̃ obʉta. 47 Mʉ̃a jaraya, iya nekʼãrẽ jõma erbʉra maʉ̃ʼa zokʼabita.