Hechos

11 Maʉ̃rã audre so borekeabasia Tesalónica pʉwʉrʉde badaraira, ãya Jesudebema ũrĩkĩrãpanasi baera. Akʉza ewariza Daizeze Bed’eata jʉra k’awua akʉpanasi mama jarabʉra wãrĩnu k’awuaita. 16 Aramaʉ̃ta Pabloba Atenasde jʉ̃ãbʉeda kĩrʉsi mejãchade pʉwʉrʉ jõmaʉ̃mae erpanasi baera nekʼãrẽ parãmata. 17 Maʉba jaradiasi judiora akʉza wuabema ẽbẽrarã Daizeze kãgabera. Nrʉemaza jaradiabasi maʉ̃ ʉ̃rʉ ẽbẽra ne edabari dema wãpanʉra. 22 Aramaʉ̃ta Pablora Aerópago ẽsadra ʉ̃tʉnʉmepe, mõbe jarasi: «Atenasdebemara, mʉ̃ara akʉbʉ marara audre yiwidʼipanʉta mara daizezeraʼa wuabemaraira. 23 Mʉ̃a kĩrãkita akʉbasi maraba nekʼãrẽ parãna erpanʉta, maʉ̃ne aba ũdusi naʉ̃ bʉ erbʉta: ‹Daizeze kʼaiba ũdukata›. Mʉ̃ara jaradiabʉ Daizeze maraba ũduka yiwidʼibʉ ʉ̃rʉ. 25 Miã beubari b’eba diad’amarẽã b’ʉ ẽã izha nesid’ata. Izhabʉrʉ jõmaʉ̃ã dia b’ʉa zok’ai b’aita, ĩñabata, aramaʉ̃ne ne jõma dia b’ʉa 27 Osi Daizezeta jʉrʉdamarẽã, tanaka wãimina wãrĩnu ũdudaya, wãrĩnu iyira jĩgarabʉ ẽ dayirã aba abakaʉdebara. 28 Iyideba zok’aipanʉa, pirabea akʉza panʉa, ʉ̃kʉrʉ bed’ea bubariraba jarabada kĩrãk’a: ‹Daisida Daizeze warrara›.