¿Sãwũã akʉbʉ ne kʼãrẽ ʉ̃ra bʉrʉ zeira?

DAIZEZE BEDʼEABA JARABɄTA

«Daizezebara jõma jõbiyi daʉbara, akʉza beuira, wuarã ne ẽ bayi zo zʉbʉriaira, zʉbʉria bedʼeaira ne ẽ bayi, pʉa naa ũdubadara ne ẽ bayi» (Revelación 21:3, 4, Traducción del Nuevo Mundo).

DAYIRÃRA SÃWŨÃ KʼAREBABɄ NAɄ̃ KʼAWUAIBARA

Erpanañi dayi trajada jẽda ũduita, akʉza jõmaʉ̃ta traja kĩra trajadayi (Isaías 65:21-23).

Wuarã zʉbʉriada ẽ bayi, akʉza kayada ẽ bayi (Isaías 25:8; 33:24).

Ewari jõmaʉ̃nẽ zobia panañi dayi mebẽrã bawarã, akʉza dayi ne ũdu kʼawuara bawarã (Salmo 37:11, 29).

¿WÃRĨNU ĨJÃSEA BɄKA DAYIRÃBARA DAIZEZE BEDʼEARA?

Mawũã, bedʼea ũmebʉ:

• Daizezera zarea barachʉ iya jarada oira. Daizeze Bedʼeadera jarabʉ, «Daizezeba jõma osea bʉta», iyi zareara jõka baera (Revelación 15:3). Maʉ̃ba naʉ̃ drʉa awuara oita jara bʉrʉdera, wãrĩnu ĩjãnaibara aripe oita Daizeze Bedʼeaba jarabʉ kĩrãkʼa, «Daizezeitara ne jõma borekea» (Mateo 19:26, DB).

• Daizezebara okirabʉ iya jaradara. Ẽbẽra beudarãra Daizeze Bedʼeabara jarabʉ, Jeowabara kãgabʉ jẽda piradrʉ bita (Job 14:14, 15).

  Akʉza jarabʉ Jesu Daizeze warraba bebisita kaya berara, ¿kʼãrẽa mawũã osi? Iya maʉ̃ta kãga basibaera (Marcos 1:40, 41). Jesubara osi yi Zezede kĩrãkʼa ẽbẽrarã kʼarebaita (Juan 5:19).

  Maʉ̃ba dayirãbara wãrĩnu ĩjãĩbara, Jeowaba Jesu meba kãgabʉ dayirã bia baita (Salmo 72:12-14; 145:16; 2 Pedro 3:9).