YI 12
¿Kʼãrẽba kʼarebai bʉa Daizeze Bedʼea ʉ̃rʉ kʼawuabʉta idubʉ ẽ baita?
Daizeze Bedʼea kʼawuabʉba sobiabibʉ dayirãra drʉa jãpe wãi kʼarea sobiai kĩrãkʼa, mamina edaʉde zarebayi maʉ̃ oira, maʉ̃ kʼarea bʉyikʉzaʉba krĩchaseabʉ idubʉita mawũã ẽ bʉrʉ badua akʉbai kʼawuaita Daizeze Bedʼeara. ¿Kʼãrẽa yibia zarea oita? ¿Bedʼea zroma ũdubʉmina kʼãrẽba kʼarebai Daizeze Bedʼea ʉ̃rʉ kʼawuabʉ idubʉ ẽ baita?
1. ¿Kʼãrẽa yibia Daizeze Bedʼea ʉ̃rʉ kʼawuaita?
«Wãrĩnu Daizeze Bedʼeara zokʼaibʉ akʉza zarea barabʉ» (Hebreos 4:12). Daizeze Bedʼeaba jarabʉ Daizezera sãwũã krĩchabʉta akʉza iya bʉra sãwũã akʉbʉta, maʉ̃ra arigʉ yibia. Daizeze Bedʼeaba kʼarebabʉ bʉa audre kʼawuamarẽã, mamina maʉ̃ awa ẽ adewara kʼarebabʉ wãrĩnu burubia bʼaita akʉza nebia jʉ̃ãbibʉ. Daizeze Bedʼea kʼawuabʉba kʼarebayi Daizeze neũdukʼawuara bʼaita. Bʉa Daizeze Bedʼea ʉ̃rʉ kʼawuanʉmʉnera iduaribibʉ kʼarebamarẽã audre ẽbẽra bia bʼaita.
2. ¿Kʼãrẽa yibia kʼawuapanaita wãrĩnu Daizeze Bedʼeadebʉbara kʼarebaseabʉta?
Daizeze Bedʼeaba wãrĩnu ʉ̃rʉ jaradiabʉra jipa nebia kĩrãkʼabʉ. Maʉ̃ kʼarea naʉ̃ba jarabʉ: «Wãrĩnuta edara akʉza nẽdorãra» (Proverbios 23:23). Dayirãba krĩchadara wãrĩnu Daizeze Bedʼeadebʉra yibiata, badua akʉpanañi bedʼea zroma zebʉrʉmina (akʉra Proverbios 2:4, 5).
3. ¿Jeowabara bʉra sãwũã kʼarebai iyi bedʼea ʉ̃rʉ kʼawuaita idubʉ ẽ marẽã?
Jeowaba bʉra parãsi baera akʉza iyira bʉ neũdukʼawua baera, iya biʼia ũdukʼawuabʉ bʉra, maʉ̃ kʼarea kʼarebakĩrãbʉ iyi ʉ̃rʉ audre kʼawuaita. Daizeze Bedʼeaba jarabʉ «Daizezebʉrʉ, kʼarebabʉa iya kãgabʉta opanamarẽã akʉza kʼarebabʉ okĩrãnamarẽã» (akʉra Filipenses 2:13). Mawũẽra, bʉa Daizeze Bedʼea ʉ̃rʉ kʼawuaita nesidabʉbʉrʉ akʉza wuabemaraba kãga ẽ bʉrʉ iyi ʉ̃rʉ kʼawuaita, Jeowaba kʼarebayi bʉra. Iyaʼa jarada kʼarebamarẽã Daizeze Bedʼea kʼawuabʉta idubʉ ẽ bamarẽã (1 Tesalonicenses 5:17).
AUDRE BIʼIA KʼAWUADADRɄ
Akʉdaya kʼãrẽta oseabʉta Daizeze Bedʼea kʼawuabaita wuabemaraba kãga ẽ mina mawũã ẽ bʉrʉ nekʼãrẽ oi mejãcha erbʉmina. Maʉ̃ tẽã akʉdayi Jeowaba sãwũã kʼarebaita Daizeze Bedʼea kʼawuabʉta idubʉ ẽ bamarẽã.
4. Daizeze Bedʼea kʼawuaita yibia baibara bʉitara
Edaʉde nekʼãrẽ mejãcha oibara kʼarea, Daizeze Bedʼea akʉita ewari neẽ. ¿Kʼãrẽta oseabʉ? Akʉra Filipenses 1:10, mõbe naʉ̃ta panʉidua:
Bʉitara, ¿saʉ̃ «nekʼãrẽ audre yibiara»?
¿Bʉa kʼãrẽta oseabʉ Daizeze Bedʼea kʼawuaira bʉita audre yibia bʼaita?
Bʉa baldeta ibʉba birara akʉza maʉ̃ tẽã mõgarata bio bʉekĩrãbʉmina maʉ̃ra mõgarara ara ẽ bayi.
Mamina bʉa nããra eda bʉera mõgararata ibʉra jõma ara ẽ mina mejãcha eda bʉeseabayi. Maʉ̃ kĩrãkʼa «nekʼãrẽ audre yibiata» nããra opanʉbʉrʉ, ewari erbayi nekʼãrẽ wuabemara oita.
Dayirãbara nesidapanʉ Daizezera, maʉ̃ kʼarea Daizeze Bedʼea kʼawuabʉrʉdera iyita ũdukʼawuapanʉ mõbe iyaʼa yiwidʼipanʉ. Akʉra Mateo 5:3, mõbe naʉ̃ta panʉidua:
¿Kʼãrẽ nebiata ũdudai nããra jʉrʉpanʉbʉrʉ Daizeze Bedʼea ʉ̃rʉ kʼawuaita?
5. Daizeze Bedʼea akʉibara wuabemaraba kãga ẽ mina
Edaʉde ʉ̃kʉrʉba jaraseabʉ idubʉmarẽã Daizeze Bedʼea kʼawuabʉta. Kʼawuara Francesco yizadeba. Akʉra BIDEOTA, mõbe naʉ̃ta panʉidua:
Francescoba jaraside iya kʼawuanʉmʉta, ¿kʼãrẽta jarasida iyi mebẽrãbara akʉza iyi neũdukʼawuaraba?
¿Kʼãrẽa bigabasi Daizeze Bedʼea kʼawua wãira?
Akʉra 2 Timoteo 2:24, 25, mõbe naʉ̃ta panʉidua:
¿Kʼãrẽta krĩchapanʉ bʉ mebẽrãbara akʉza bʉ neũdukʼawuaraba bʉa kʼawuanʉmʉ ʉ̃rʉra?
Naʉ̃ra bersikuloba jarabʉdera, ¿kʼãrẽta oi bʉara ẽbẽra abaʉba kãga ẽ bʉrʉ bʉa Daizeze Bedʼea kʼawua wãta? ¿Kʼãrẽa?
6. Soiduba ĩjãra Jeowaba kʼarebaita
Audre Jeowaʉ̃me neũdukʼawua biabʉrʉ, audre sobiabikĩrãñi. Mawũãsidu edaʉde zareabayi iya kãgabʉde bʼaita. Ewari abaʉde bʉita zarebʉrʉ paerãra Jeowaba kʼarebayi bʉra. Akʉra BIDEOTA, mõbe naʉ̃ta panʉidua:
Bideoba ũdubibʉde, ¿kʼãrẽta idubʉibarabasi Jimbara Jeowaba jarabʉ oita?
¿Bʉitara kʼãrẽta audre yibiabasi Jim ʉ̃rʉ akʉsidera?
Akʉra Hebreos 11:6, mõbe naʉ̃ta panʉidua:
¿Kʼãrẽta oi Jeowaba «iyi jʉrʉbʉra» kʼareara? Bedʼea «iyi jʉrʉbʉra», naʉ̃ba jarakĩrãbʉ zarea opanʉta iyi ũdukʼawuaya akʉza okĩrãbʉ iya kãgabʉta.
¿Kʼãrẽta krĩchabʉ Jeowabara iya ũdubʉde bʉra zarea obʉta Daizeze Bedʼea kʼawuaita?
Ʉ̃KɄRɄBA WIDIPANɄTA: «¿Kʼãrẽa Jeowa ʉ̃rʉ Kʼawuabipanʉrãbawaraʉba akʉnʉmʉ Daizeze Bedʼeara?».
¿Bʉa sãwũã panʉi?
KĨRÃBEITA
Bʉita edaʉde zareamina, Daizeze Bedʼea akʉiba kʼarebayi ewari jõmaʉ̃nẽ sobia bʼaita. Jeowa ʉ̃rʉ ĩjãbʉta idubʉ ẽ bʉrʉ iya kʼarebayi.
Panʉnadrʉ
¿Kʼãrẽa yibia bʉitara Daizeze Bedʼeaba jaradiabʉra?
Kʼawua kʼãrãpe saʉ̃ta «nekʼãrẽ audre yibiata», ¿bʉara kʼãrẽta oibara?
¿Kʼãrẽa widibaibara Jeowaʼa kʼarebamarẽã Daizeze Bedʼea kʼawuabʉta idubʉ ẽ baita?
JɄRɄDA AUDRE KʼAWUAITA
Akʉra ũrãgʼa kimareba sãwũã kʼarebabʉrʉta ẽbẽra mejãchaʉta ãyi ewari bia zokʼamarẽã.
«Sãwũã bia zokʼaseabʉ ewarira» (¡Despertad!, febrero 2014de)
Yuwẽrã abaʉba okĩrãbasi Daizezeba kãgabʉta, mamina yi kimabara bia kʼawua ẽ basi iya kʼãrẽta onʉmʉta. Akʉra Jeowaba sãwũã kʼarebasita.
Akʉra yuwẽrã aba iyi pae ẽ bada kʼarea sãwũã kʼarebasita iyi kimara.
Mʉ̃ kimara pae ẽ basi baera mʉ̃a kʼawuasi saʉ̃ta wãrĩnuta (6:30)
Edaʉde jarapanʉ Jeowa ʉ̃rʉ Kʼawuabipanʉrãba mebẽrã jõbibʉta. Mamina, ¿maʉ̃ra wãrĩnuka?