¿Beida tẽãra jaurede zokʼaibidaka?

¿Bʉ mebẽrãdebemara beibarika? Maʉ̃ ewaride bʉra mejãcha sopʉabasi baera, bʉa widisi baibara: «¿Dayi beida tẽãra jaurede zokʼaibidaka? ¿Mʉ̃ara jẽda ũduika mʉ̃ mebẽrã beidara?» Naʉ̃ne akʉza yi 30de kʼawuadayi Daizeze Bedʼeaba sãwũã panʉbʉta maʉ̃ ʉ̃rʉ.

1. ¿Beida tẽãra jaurede zokʼaibidaka?

Jesuba jarasi beidarãra kʼãĩnʉmʉ kĩrãkʼabʉta. Ẽbẽra abaʉta kʼãĩara kʼãĩnʉmʉnera, kʼawua ẽ iyi audu kʼãrẽ berabarinʉmʉta. ¿Kʼãrẽne abarikabʉ beidata kʼãĩnʉmʉmera? Ẽbẽra kʼãĩbʉrʉdera kʼãrẽ senti ẽ, dayi beibʉrʉde maʉ̃ kĩrãkʼabʉ, pʉa neẽ, zʉbʉria ẽ akʉza nekʼãrẽ awuara berabari ẽ. Daizeze Bedʼeaba jarabʉ «beidabara mia kʼãrẽsida krĩcha ẽ» (akʉra Eclesiastés 9:5).

2. ¿Sãwũã kʼarebabʉ wãrĩnu beida ʉ̃rʉ kʼawuaiba?

Ẽbẽrarã mejãchaʉta perabʉ beita akʉza beida kʼarea, mamina Daizeze Bedʼeade beida ʉ̃rʉ jarabʉba kʼarebabʉ aduʼa baita. Jesuba jarasi: «Wãrĩnuba ẽdrʉbigayi» (Juan 8:32). Ʉ̃kʉrʉ religionbara jaradiapanʉ jaurede zokʼaibidata, mamina Daizeze Bedʼeabara maʉ̃ra jara ẽ. Miõta zʉbʉria ẽ beida tẽãra, beidarabara mia kʼãrẽsida kʼawua ẽ baera, zʉbʉria ẽ akʉza neida oẽ, maʉ̃ kʼarea yiwidʼi ẽ baibara ãyi kʼarea akʉza dayirã neida oda ẽ bamarẽã.

Ʉ̃kʉrʉba jarapanʉ beidaʉ̃mera bedʼeaseabʉta, mamina maʉ̃ra wãrĩnu ẽ. Dayirãba nãã kʼawuada kĩrãkʼa «beidabara mia kʼãrẽsida krĩcha ẽ». Ʉ̃kʉrʉba krĩchapanʉ yi mebẽrã beidaʉ̃me bedʼeabʉta, mamina wãrĩnu baira bedʼeabʉ angelera kayiruarabawara, maʉ̃rata bedʼeabʉ maʉ̃ ẽbẽra beida kĩrãkʼa. Jeowabara kãga ẽ beidarabawara bedʼeaita, maʉ̃ta ora angelera kayiruarabawara bedʼeayi, mawũãra bʉra bia wã ẽ bayi (akʉra Deuteronomio 18:10-12).

3. Dayi beida tẽã sãwũãbʉta

Naʉ̃ drʉa jõmaʉ̃nẽ bʉ ẽbẽrarã awuara krĩchabʉta beida ʉ̃rʉ, mamina maʉ̃ jõma krĩchapanʉra wãrĩnu ẽ.

• Bʉ bʉmaera, ¿beidara ʉ̃rʉra kʼãrẽta audre ĩjãpanʉ?

BIDEO: ¿Samadogo dayi beibʉrʉdera? (wiña ũdubibʉ) (1:19)

Akʉra Eclesiastés 3:20, mõbe naʉ̃ta panʉidua:

• Naʉ̃ testoba jarabʉdera, ¿sama wãbʉ ẽbẽrarã beida tẽãra?

• Ẽbẽra beibʉrʉdera, ¿jaurede zokʼaibidaka?

Daizeze Bedʼeabara jarabʉ Lázaro beida ʉ̃rʉ, maʉ̃ra Jesu neũdukʼawua bia basi. ¿Jesubara sãwũãbʉta jarasi Lázarora? Akʉra Juan 11:11-14, mõbe naʉ̃ta panʉidua:

• ¿Jesubara kʼãrẽne abarikabʉta jarasi beidarãra?

• ¿Jesuba kʼãwũã yiza amʉenaneba kʼãrẽta jaradiabʉ dayirã beida ʉ̃rʉ?

• Bʉmara, ¿wãrĩnu ĩjãseabʉka Daizeze Bedʼeaba jarabʉra beidara ʉ̃rʉ?

4. Wãrĩnu beida ʉ̃rʉ kʼawuabʉdeba kʼarebabʉ pera ẽ baita

Beidara ʉ̃rʉ wãrĩnuta kʼawuabʉrʉde kʼarebabʉ dayirã pera ẽ baita beida kʼarea. Akʉra Eclesiastés 9:10, mõbe naʉ̃ta panʉidua:

• ¿Beidarabara dayirãra neida oseabʉka?

Daizeze Bedʼeaba wãrĩnuta jaradiabʉ baera, ẽdrʉbibʉ daya awuara ĩjãbʉdeba akʉza kʼarebabʉ beidabawara bedʼea ẽ baita. Akʉra Isaías 8:19 akʉza Apocalipsis 4:11, mõbe naʉ̃ta panʉidua:

• Bʉmara, ¿Jeowabara kʼãrẽta krĩchabʉ ẽbẽrarãba jʉrʉbʉde beidarabawara bedʼeaita mawũã ẽ bʉrʉ ãyi kʼarebata?

5. Beidara ʉ̃rʉ wãrĩnu kʼawuabʉba kʼarebabʉ krĩcha zroma oẽ baita

Ẽbẽra mejãchaʉʼa jaradiapanʉ, ãyi beibʉrʉdera mejãcha zʉbʉriaita ãya nekayirua oda kʼarea. Mamina pera ẽ baibara kʼawuasi baera beida tẽãra miõta zʉbʉria ẽ baita, ẽbẽrarãra mejãcha nekayirua odarasida. Akʉra Romanos 6:7, mõbe naʉ̃ta panʉidua:

• Daizeze Bedʼeaba jarabʉ kĩrãkʼa, dayi beibʉrʉde nekayiruadeba ẽdrʉbʉ. Mõbemata, ¿beidarãra zʉbʉriabʉka maʉ̃ nekayirua nãã obada kʼarea?

Jeowa ũdukʼawuabʉrʉza, audre kʼawua wã iyara beidarãra zʉbʉriabi ẽãta. Akʉra Deuteronomio 32:4 akʉza 1 Juan 4:8, mõbe naʉ̃ta panʉidua:

• Naʉ̃ testoba jarabʉdera, ¿Daizezebara zʉbʉria obʉka ẽbẽra beidarãra?

• Bʉmara, ¿beida ʉ̃rʉ wãrĩnuta kʼawuabʉba kʼarebabʉka krĩcha zroma oẽ baita? ¿Kʼãrẽa?

KĨRÃBEITA

Ẽbẽra beibʉrʉdera, mamapai taʉdogo iyi bebʉra. Beidarãra zʉbʉria ẽ akʉza ẽbẽrarãta neida oẽ.

Panʉnadrʉ

• ¿Beida tẽãra jaurede zokʼaibidaka?

• ¿Sãwũã kʼarebabʉ aduʼa bʼaita wãrĩnu kʼawuabʉrʉba beidara ʉ̃rʉ?

• ¿Beidara ʉ̃rʉ wãrĩnuta kʼawuabʉrʉba sãwũã kʼarebabʉ krĩcha zroma oẽ baita?

JɄRɄDA AUDRE KʼAWUAITA

Daizeze Bedʼeadera bʉ bedʼea bebʉta, kʼawuara maʉ̃ba kʼãrẽta jarakĩrãbʉta.

«¿Kʼãrẽ bebʉra?» (Artikulo jw.org)

Akʉra wãrĩnu kʼawuaita, Daizezeba zʉbʉriabibʉta ẽbẽra kayiruarãra tʉbʉ pʉreade.

¿Tʉbʉde eda ba wãĩra wãrĩnubʉka? (3:07)

¿Beidara kʼareara peraibaraka?

Beidarabara ¿dayirã kʼarebaseabʉka? Mawũã ẽ bʉrʉ, ¿neida oseabʉka? ¿Wãrĩnubʉka? (Karta)

Kʼawuara sãwũã kʼarebasita yumakẽrã aba iya beida ʉ̃rʉ wãrĩnuta kʼawuadaba.

«Mʉ̃ra kĩrãmigasi mʉ̃a bedʼea widibadata Daizeze Bedʼeaba aripe panʉsi baera» (Jarakabʉ, 1ne febrerode 2015de)