Wãrĩnuta jarada

Jesuba odata

BIDEO: Jesubara ũrãgʼasi nokʼota

1. Akʉra BIDEOTA, mawũã ẽ bʉrʉ akʉra Marcos 10:​17-22 bayeda. Mõbe naʉ̃ta panʉra:

1. ¿Kʼãrẽ nebiata ũdusibaibara Jesubara maʉ̃ nokʼo sode?

2. ¿Kʼãrẽa nesidabasi Jesubara kãgara akʉza zowaĩnĩgʉara maʉ̃ʼa ũrãgʼa diaita?

¿Kʼãrẽta kʼawuapanʉ Jesuba odadeba?

2. Kãgadeba wãrĩnuta jaradaibara dayirã nekʼawuabarirãra mawũã audre Jeowa kʼaita bamarẽã.

Jesude kĩrãkʼa ora

3. Krĩchabira audre oita Jeowaita akʉza kʼarebara maʉ̃ oita.

1. Lesion jõbʉrʉza iyiʉ̃meba akʉita kĩrãduarãra «Mʉ̃a oita» abʉmae, Bʉra ewari jõmaʉ̃nẽ sobia baseabʉ librodebemata.

2. Kʼarebara bʉ nekʼawuabarira biʼia kʼawuamarẽã kʼãrẽta owãibarata arare arare Jeowaita audre oita.

3. Iya kʼãrẽ obʉrʉdera jarada bia osita.

4. Bʉ nekʼawuabariba obʉbʉrʉ Jeowa ode idu wã bi ẽãta kʼarebara maʉ̃ idubʉita.

1. Bʉyikʉza widira:

   • ‹¿Mʉ̃ nekʼawuabarita buru kʼoe ẽ bʉrʉ, kʼãrẽba idu buru kʼoebi ẽ?›

   • ‹¿Sãwũã kʼarebaseabʉ mʉ̃ara iyira?›

2. Bʉ nekʼawuabariba kʼãrẽ oita waebʉbʉrʉ, Jeowaʼa yiwidʼira so zarea diamarẽã, mawũã kãgadeba wãrĩnu jaraita iyaʼa.

5. Wua jaradiarãra yi kʼãrẽ o ẽãra Jeowa kʼawa bʼaita

1. Bʉ nekʼawuabariba Jeowaba kãgabʉ wãrĩnu okĩrãbʉ kʼawuaira, krĩchara naʉ̃ ʉ̃rʉ:

   • ‹¿Mʉ̃ nekʼawuabaribara iya kʼawuanʉmʉra oũdubibʉka?›

   • ‹¿Wãbʉka ãba yi jʉrebari dema akʉza jaradiabʉka awururaʼa?›

   • ‹Iya Daizeze Bedʼea kʼawua jʉ̃drʉda dããraba baera, ¿bʉaʼara jarabʉka Jeowa ʉ̃rʉ Kʼawuabibari bakĩrãbʉta?›

2. Bʉ nekʼawuabariba wãrĩnu okĩrã ẽ bʉrʉ. . .

   • . . .jarada iyikʉza krĩchamarẽã kʼãrẽba idu wãbi ẽãta Jeowa ode.

   • . . .ibiade jarada kʼãrẽa wua jaradia ẽ baita.

   • . . .jarada awuara oibarata iya kʼãrẽ sãwũã obʉta, mawũãtrʉ jẽda jaradia jʉ̃drʉseabʉta Daizeze Bedʼeara.