Sãwũã bedʼea jʉ̃drʉita karta zakeraneba

Enero 2018deba Karta nekʼawuabari yi nabema paginata ũdubibʉ yizadeba sãwũã bedʼea jʉ̃drʉita. Ũrãgʼa diabʉ bedʼea kʼawuaita ẽbẽrarãʉ̃me bari kartara dia ẽ baita «Yiza sãwũã bedʼea kʼawuaita» ũdubibʉ sãwũã bedʼea jʉ̃drʉita Daizeze Bedʼeadeba maʉ̃ bideo kʼarebaba. Maʉ̃bara, ¿jarakĩrãkʉka dayirãbara karta zakerãra deza jaradia wãbʉrʉde diabe ẽãta? Mawũã ẽ. Bari jaraita naʉ̃ra karta zakerãra yibia nããra bedʼea jʉ̃drʉita. Maʉ̃ obʉdade naʉ̃ta oseapanʉ:

1. Yi nabema paginane widibʉta jarada akʉza iduaribira iya jidamarẽã maʉ̃ bedʼeata.

2. Ũdubira testo aba ũdubibʉta pagina ũmene. Maʉ̃ ẽbẽrata ewari erbʉbʉrʉ lera akʉza maʉ̃ karta zake ʉ̃rʉ jara ũrĩbira.

3. Ẽbẽra dia kʼãrãpe maʉ̃ karta zaketa jarada jõma lemarẽã.

4. Dayirã wãi naweda ũdubira widita nama edre bʉta «Widira bʉyikʉza» mõbe jarada tẽã Daizeze Bedʼeadeba panʉita awuru ewaride.

Jẽda zebʉrʉde panʉnañi, maʉ̃ tẽã amaera bedʼea jẽda panʉita. Widita aba internetʼnebʉta jidaseapanʉ mawũã ẽ bʉrʉ maʉ̃ pagina jõbodoarebʉta. Dayirãba bia ũdubʉrʉde diaseabʉ karta Daizezebara bedʼea biata erbʉ dayirãita mawũã ẽ bʉrʉ badu kartara nekʼãrẽ jaradiabarita zokʼapanʉ Daizeze Bedʼea jaradiabarita.