Ẽbẽrarã naʉ̃ drʉade obʉ kĩrãkʼa orãra

23:1-3

Leyde Jeowaba jʉra kʼawua bamarẽã jarasi juezʼra akʉza yi ẽbẽrarã wuabema ẽbẽra bari bedʼeaira, yi edebida ẽ marẽã wuabema ẽbẽrarãba jarabʉa. Juezʼrabara jõmaʉ̃ta daucha akʉibarabasi, wuabemara ẽbẽra bari bedʼeabʉrabara sewa nebʉrata jara ẽ baibarabasi. Ũrãgʼa ẽbẽrarã naʉ̃ drʉadebʉ kĩrãkʼa orãra abʉra biode yibia, ẽbẽra naʉ̃ drʉadebemabara kãgapanʉ ãyi kĩrãkʼa krĩchadamarẽã akʉza ãyide kĩrãkʼa odamarẽã (Ro 12:2).

¿Kʼãrẽa yibia ẽ ẽbẽraba jarabʉa yi edebita?

• Awuru ʉ̃rʉ i kayirua jarabʉrʉde.

• Dayirã sãwũã wua jʉ̃ine, dayirã buru sãwũã ara oide akʉza dayirãba jemene jidabʉde.

• Ẽbẽrarã awuarabʉ ʉ̃rʉ krĩchabʉrʉde, ãyi kultura ʉ̃rʉ krĩchabʉrʉde, mawũã ẽ bʉrʉ plata erbʉ ʉ̃rʉ krĩchabʉrʉde adewara ãyi sãwũã edabʉde.