BʼAITA KRISTIANORA KĨRÃKʼA
Jʉra kʼawua bʼaibara sewa nebʉra jarakanʉma ẽ baita
Idi ewadera, bedʼeara ẽbẽra jõmaʉ̃raba ũrĩpanʉ radiodeba, telebisioneba, internetʼneba. Mamina dayirãʼa wãrĩnu Daizezeara kãgapanʉrabara sewa nebʉra jarapanʉta jarakanʉmabe ẽ dayirãba maʉ̃ bia kʼawuaenara (Sl 31:5; Éx 23:1). Dayirãba bedʼea awuruʼa jarakapanʉba ãrĩseabʉ wuabemara ẽbẽrata. Maʉ̃ kʼarea maʉ̃ bedʼea jarapanʉ bia kʼawuaita, nãã widibara:
¿Dayirãbara ĩjãseapanʉka kʼaiba jaradata? Ẽbẽra naʉ̃ bedʼea jaradabara, jõma bia kʼawua ẽ baibara. Dayirãba jara wãra aña jara wãna. Maʉ̃ kʼarea bia ũdukʼawuaibara maʉ̃ bedʼeara samaʉ̃ba uruta. Maʉ̃ba kongregasion akʉpanʉrãra jʉra kʼawua panaibara ãya bedʼea jaradapeadata awuruʼa jara ẽ baita ãya bia kʼawua ẽ bʉrʉ maʉ̃ bedʼeara.
¿Awuru ʉ̃rʉ imitia bedʼeaika? Mawũã chubʉrʉ, maʉ̃ra jipa jara ẽ baibara (Pr 18:8; Flp 4:8).
¿Dayirãba ĩjãseapanʉka? Jʉra kʼawua panaibara dayirãba nebʉrapanʉta akʉza wuabemaba dayirãʼa bedʼea jarapanʉta ʉ̃ta jarapanʉneba.
BIDEO SEWATA JARARÃRA WUABEMARA Ʉ̃RɄ ŨDUBIDA TẼÃ, PANɄRA NAɄ̃ WIDITA:
Proverbios 12:18de jarabʉdera, ¿dayirã bedʼeabara kʼãrẽaba zʉbʉria oseabʉ?
¿Sãwũã kʼarebabʉ Filipenses 2:4ba nãã bia krĩchaita wuabema ʉ̃rʉ bedʼeabʉrʉdera?
¿Kʼãrẽta odaibara ẽbẽra abaʉba imitia bedʼeabʉbʉrʉ awuru ʉ̃rʉ?
Awuru ʉ̃rʉ bedʼeai naweda, ¿kʼãrẽta widibara dayirãkʉza?