BʼAITA KRISTIANORA KĨRÃKʼA
Audre bia ora jaradia wãbʉrʉde: Jaradiara telepononeba
KʼÃRẼA YIBIA. Telepononeba jaradiaira yibia, bedʼea biata jõmaʉ̃ʼa jaradiaseabʉ baera (Hch 20:24).a Jaradiaseapanʉ dayirãba ãyi deidu wãbe ẽãne, nekʼãrẽ badu berabarida kʼarea.
SÃWŨÃ OIBARA
Akʉra sãwũã oita. Jʉrʉda ẽbẽraba ũrĩkĩrã ũrĩta. Maʉ̃are bʉra bʉa jarakĩrãbʉta. Adewara krĩchaseabʉ kʼãrẽ ʉ̃rʉ jaraita makina doba panʉbʉba panʉra. Erbara mesade jõma bʉa zokʼaseabʉta, bʉa bʉdata akʉza bʉa selularde JW Library® mawũã ẽ bʉrʉ jw.org® ewa erbʉta.
Aduʼabara. Bedʼeara bʉ bedʼeabʉ kĩrãkʼa. Ipidara akʉza ora maʉ̃ ẽbẽra bʉ kĩrãbitabʉ kĩrãkʼa. Aukʼara pikãga bedʼearãra. Yibia bayi awuruʉ̃meba jaradiara. Maʉ̃ ẽbẽraba bedʼeata widira nemi jĩgʉa bedʼeara bʉ kopaeroba ũrĩmarẽã mawũã kʼarebamarẽã.
Bia ora mawũã jẽda akʉ wãita. Ẽbẽraba audre kʼawuakĩrãbʉbʉrʉ widita amaera mawũã maʉ̃ bedʼea panʉita jẽda trʉ̃bʉrʉde. Jarada zokʼaita kartata, bideota, Internetʼneba, korreodeba mawũã ẽ bʉrʉ diasiabʉ iyaʼa. Adewara jaraseabʉ dai pagina Internetʼne eda wãmarẽã.
a Pʉwʉrʉ bʉ bʉmae telepononeba jaradiaseabʉbʉrʉ, oibara bʉ pʉwʉrʉba jarabʉde mawũã ẽbẽraba bʉa diadapeadata sãwũã iyi ũduita jʉra kʼawua erbaita.