Ũrãgʼa kʼarebaseabʉta ãba yi jʉrepanʉne jaradia wãita

Ãba yi jʉrebarira jaradia wãita, iyabaʉ yibia kongregasione ãba yi jʉrei kĩrãkʼa, maʉ̃ra Jeowaba nebia diabʉ dayirã, maʉ̃neba kʼarebabʉ kãga udubita akʉza nebia oita (Heb 10:24, 25). Ãba yi jʉrepanʉta jaradia wãita, jaraita kʼaita kʼaiʉ̃me wãita, sama jaradia wãita akʉza yiwidʼita, maʉ̃ra odaibara 5 mawũã ẽ bʉrʉ 7 minutode. Kongregasione ãba yi jʉreda tẽã jaradia wãnaibʉrʉ, 5 minuto berabari ẽ baibara. Yi ãba yi jʉreita obʉbara jaradia wãita, mebẽrã jaradiaibara yi kʼarebaseabʉta maʉ̃ ewaride jaradia wãita. Bari jaraita, sabadodera mebẽrãra mejãcha zepanʉ semanane ze ẽ badata jaradia wãita, ãyitara yibiabayi ãyibawara kĩrãbeita kʼãrẽ bedʼeata jaradiaseabʉta maʉ̃ ewaride. ¿Kʼãrẽ bedʼearata zokʼaita yibiabayi?

• Yiza sãwũã bedʼea kʼawuaita Bʼaita Kristianora kĩrãkʼa akʉza Trajaita Daizezeita - Karta nekʼawuabaridebemata.

• Sãwũã zokʼaseabʉ nekʼãrẽ berabari ʉ̃rʉ bedʼeabʉde mawũã ẽ bʉrʉ bedʼea yiwidi ʉ̃rʉ jaradia jʉ̃drʉita.

• Sãwũã jaradiaita badu ẽbẽra Daizeze Bedʼea ũrĩkĩrã ẽ ʉ̃me.

• Sãwũã panʉñi ẽbẽra Diazezera bʉra ĩjã ẽãra, ẽbẽra nekʼãrẽ jõma iyidoba zeda ʉ̃rʉ ĩjãbʉara akʉza awuru bedʼeade bedʼeabʉara mawũã ẽ bʉrʉ awuru religion erbʉara dayi pʉwʉrʉdebema ẽãta.

• Sãwũã zokʼaseabʉ dayirã pagina jw.org, aplikasion JW Library^® mawũã ẽ bʉrʉ Daizeze Bedʼeata.

• Sãwũã zokʼaseapanʉ kartarata akʉza bideorata nekʼãrẽ jaradiabaridebemata.

• Telepononeba jaradiaita, kartadeba, ode jaradiaita, jẽda akʉ wãita mawũã ẽ bʉrʉ Daizeze Bedʼea kʼawuabibarita.

• Kĩrãbeita kʼãrẽta oibarata neida berabari ẽ baita, ne awuara odaita ẽbẽrarã jaradiaita, bedʼea bia jara kʼawua bʼaita akʉza krĩcha bia erbaita.

• Zokʼaita lesionta mawũã ẽ bʉrʉ bideota karta Zarea ora bia leita akʉza jaradiaita bʉde.

• Sãwũã so zarea diaita akʉza kʼarebaita dayi kopaero, dayiʉ̃me jaradia wãbʉra.

• Daizeze Bedʼeaba jaradiabʉ ʉ̃rʉ jaradia wãita mawũã ẽ bʉrʉ mebẽrã nebʉra ʉ̃rʉ dayirã so zarea diabʉta.