Zokʼadadrʉ Jeowaba dayirã kʼarebaita diabʉra yiwidʼideba

Jeowabʉrʉ waribibʉ wãrĩnura ẽbẽrarã sode (1Co 3:6-9). Maʉ̃ kʼarea jaradia wãbʉrʉde kãgabʉbʉrʉ bia wãita ĩjãibara Jeowaba kʼarebaita akʉza dayirã nekʼawuabarisida.

Jarada kʼãrẽta jarakĩrãkʉta. Jeowaʼa kʼareba widira bʉ nekʼawuabariraba awuantamarẽã bedʼea zroma ũdudaita naʉ̃ drʉade (Flp 1:9, 10). Widira Daizeze jaure zareaba bʉta kʼarebamarẽã bia krĩchaita akʉza bʉa nekʼãrẽ obʉdebida (Lu 11:13). Bʉ nekʼawuabarira jaradiara sãwũã yiwidʼibarata akʉza jarada ãyisida yiwidʼimarẽã. Ãyibawara yiwidʼira adewara ãyi kʼarea akʉza ãyi trʉ̃ra jarada.

BIDEO DAIZEZE BEDʼEA ẼBẼRA SOIDU JɄ̃ẼBIBɄBA SOBIABIBɄ. ZOKʼADADRɄ JEOWABA DAYIRÃ KʼAREBAITA DIABɄRA: YIWIDʼITA ŨDUBIDA TẼÃ, PANɄRA NAɄ̃ WIDITA:

• ¿Kʼãrẽ bedʼeata ũdusi Ritabara Eriyidaʉʼʉ̃me Daizeze Bedʼea kʼawuabasidera?

• ¿1 Corintios 3:6ba sãwũã kʼarebasi Ritara?

• ¿Sãwũã ara osi maʉ̃ bedʼeara?