Jubileode nezokʼa israelitarãra jẽda wãbasi ãyi drʉa eda yi mebẽrãbawara.
BEDʼEA BIA DAIZEZE BEDʼEADE ŨDUDATA
Jubileota akʉza ʉ̃ra zeide ẽdrʉita
Jubileobara kʼarebabasi ẽbẽrarãta ewari jõmaʉ̃nẽ kʼãrẽ neẽã ba ẽ baita akʉza debe barabʉdeba ẽdrʉbita (Le 25:10; it-2 228; akʉra poto yi nããrabemata).
Wãrĩnu bʼaira maʉ̃ drʉara jipa nedoda ẽ basi awuarabʉrʉ arrendabʉ kĩrãkʼa opanasi akʉza maʉ̃ oita nããra kʼawuadaibarabasi maʉ̃ drʉade ne u udara sõbe balebasita (Le 25:15; it-1 1120 parr. 3).
Jeowabara nebiata diabasi iya Jubileo ʉ̃rʉ zokʼadapeadata opanasidera (Le 25:18-22; it-2 149 parr. 2).
Daizeze odepanʉrabara nebiata erbayi Jubileo aranʉ zeita: ãyi ẽdrʉbʉrʉde beibʉdeba akʉza nekayiruadeba (Ro 8:21).
¿Kʼãrẽta oibara Jeowaba dayirã ẽdrʉbimarẽãra?