Jeowaba akʉza Jesuba diasi dayirã ẽdrʉbita

¿Bʉara kʼãrẽ bedʼea zromata ũdubʉ ewariza? ¿Dedara bʉabʉrʉ akʉbʉka bʉ mebẽrãra akʉza zarea obʉka maʉ̃ oita? ¿Bʉara wũãwũãra abapaiba dapʉẽbʉka akʉza bʉitara zareaka ãya nesidabʉ ũduita? ¿Kolegiodera bʉ kʼareara ipidapanʉka? ¿Bʉra mejãcha zʉbʉriabʉka kayabʉ baera mawũã ẽ bʉrʉ zõnaba wãba? Jõmaʉ̃ta bedʼea zroma ũdupanʉ mamina ʉ̃kʉrʉra maʉ̃ audre zʉbʉriabʉ. Mamina idi ewadera kʼawuapanʉ maʉ̃ zʉbʉriadeba dayirãra aranʉ ẽdrʉita (2Co 4:16-18).

Maʉ̃ ewari zeyeda Jeowabara kʼawuabʉ dayirã sãwũã zʉbʉriabʉta, bia akʉbʉ iyiʉ̃me kʼẽrẽpabʉ baera maʉ̃ kʼarea iya diayi ʉ̃ra zeide nebiata (Jer 29:11, 12). Jesusida dayirã kʼarea krĩcha zroma obʉ. Dayirãba kʼãwũã zarea opanʉneba iya jarabʉ: «Mʉrã marã bawara ewariza bʼaya» (Mt 28:20, Daizeze Bedʼea, Wycliffe Inc.). Dayirãba krĩchapanʉbʉrʉ Daizeze Nokʼoba dayirã sãwũã ẽdrʉbita, mawũãra dayirãba ĩjãbʉra audre wari wãñi akʉza kʼãrẽ bedʼea zroma zebʉrʉmina zareabayi (Ro 8:19-21).

BIDEO KRISTOTA JɄ̃ZABA AKɄ BʼAIBARA, BEDʼEA ZROMA Ʉ̃RA ŨDUIMINA ŨDUBIDA TẼÃ, PANɄRA NAɄ̃ WIDITA:

• ¿Sãwũã ẽbẽrarãra Daizezedeba jĩga wã akʉza maʉ̃ba kʼãrẽta berabaribʉ?

• ¿Jeowaʉ̃me kʼẽrẽpapanʉrabara kʼãrẽ nebiata jʉ̃ãpanʉ ʉ̃ra zeide?

• ¿Kʼãrẽ kʼãrẽa jʉ̃ãnaibara nekʼãrẽ bia ʉ̃ra zeira?

• ¿Bʉara kʼãrẽta jʉ̃ãbʉ nebia zebʉrʉde zemarẽã?