Nekʼãrẽ parãnaba ĩjãbibʉ Jeowa buru biade

¿Wãrĩnu Jeowabara kʼawuabʉka kʼãrẽta yibiata dayirãitara? Wãrĩnu iyabʉrʉ kʼawuabʉ. Dayirãba wãrĩnu Jeowade ĩjãpanʉbʉrʉ iduaribidayi Jeowaba jaradiamarẽã kʼãrẽta oseapanʉta (Pr 16:3, 9). Edaʉde dayirãra awuara krĩchapanʉ baera, zarea baseabʉ Jeowade ĩjãita. Dayirãba Jeowaba parãnane pikãga krĩchapanʉbʉrʉ audre wari wãñi dayirãba ĩjãbʉra (Pr 30:24, 25; Ro 1:20).

BIDEO ¿KʼAIBA PARÃSI? ¿KʼÃRẼA BISUMA ZAKERÃRA ODE BIʼIA WÃPANɄ? ŨDUBIDA TẼÃ, PANɄRA NAɄ̃ WIDITA:

• ¿Kʼãrẽta opanʉ bisumarabara ewariza?

• ¿Kʼãrẽta opanʉ bisumarabara ode biʼia wãpanaita?

• ¿Bisumara ode biʼia wapanʉneba dayirãbara kʼãrẽta kʼawuaseapanʉ?

BIDEO ¿KʼAIBA PARÃSI? NIDɄRRɄ Ʉ̃TɄ BIʼIA A WÃBɄTA ŨDUBIDA TẼÃ, PANɄRA NAɄ̃ WIDITA:

• ¿Kʼãrẽa abion wikabʉra zare ʉ̃tʉ a wãita?

• ¿Sãwũã obʉ nidʉrrʉbara iyi piki ewarade jira bʼaita?

• ¿Ẽbẽrarãbara kʼãrẽta kʼawuaseapanʉ nidʉrrʉraba opanʉnebara?

Bʉ bʉmae Jeowaba nekʼãrẽ parãnata akʉbʉbʉrʉ, ¿maʉ̃bara sãwũã ũdubibʉ Jeowara buru biata?