Bʉra ewari jõmaʉ̃nẽ sobia baseabʉ libroba kʼãrẽ nebia erbʉta

Libro Bʉra ewari jõmaʉ̃nẽ sobia baseabʉ maʉ̃ne eda bideota akʉza bedʼea widibʉra, daibara maʉ̃ra kãga. Naʉ̃ librode edabʉ bedʼea «Ʉ̃kʉrʉba krĩchapanʉta», «Mʉ̃a oita» akʉza «Jʉrʉda audre kʼawuaita». Akʉza naʉ̃ awuara, ¿kʼãrẽta ũduseabʉ naʉ̃ librode dayirã Daizeze Bedʼea jaradiaita kʼarebaseabʉta? (Mt 28:19, 20).

Multimedia. Bʉa Daizeze Bedʼea jaradiakĩrãbʉbʉrʉ, mamina naʉ̃ librota erbʉbʉrʉ kartade, ¿sãwũã ũdubi bideorata akʉza awuru bedʼea bʉya kʼawuakĩrãbʉ ʉ̃rʉ? Bʉa erbʉbʉrʉ selularta mawũã ẽ bʉrʉ tableta maʉ̃ne jʉrʉseabʉ maʉ̃ librodebema bʉa nesidabʉta. Mõbe jʉrʉda «Multimedia» abʉmae, mamara bʉa ũduseabʉ bideora bʉa kãgabʉta akʉza wuabemara bedʼea bʉa kãgabʉta (akʉra poto 1).

«Edición impresa». Bʉa zokʼabʉbʉrʉ selularta mawũã ẽ bʉrʉ tableta zokʼaseabʉ «Edición impresa». Maʉ̃ oita JW Library de yi ʉ̃trebʉare jʉrʉseabʉ punto ũbeabʉta, mama katura «Edición impresa» abʉmae, mawũã bʉa yi kapitulo estudianʉmʉra ũduyi iyabaʉ ʉ̃rʉ bedʼeabʉta. Akʉza «Edición Digital» ma wãkĩrãbʉbʉrʉ katuseabʉ eidu borokokirumae.

«¿Mʉ̃ara oseabʉka?». Naʉ̃ rekuadrora yi 4debema jõbodoare ũdubibʉ, nama jarabʉ kʼãrẽta oibarata Daizeze Bedʼea jaradiaita akʉza buru kʼoeita (akʉra poto 2).

Nota jõbodoare. Naʉ̃ra notara yi 4debema jõbodoare ũdubibʉ, nama audre jara ũrĩbibʉ dayirãba kʼawuanʉmʉ ʉ̃rʉ. Bʉta selularde mawũã ẽ bʉrʉ tablede estudiabʉbʉrʉ naʉ̃ nota jõbodoare bʉ enlaseta, maʉ̃ba jẽda edeseabʉ bʉyi estudiabadamae (akʉra poto 2).