BʼAITA KRISTIANORA KĨRÃKʼA
Jeowaba bʉ sãwũãbʉ akʉbʉ kĩrãkʼa akʉra bʉyikʉza
«Jeowara mejãcha sobiabʉ iyi pʉwʉrʉ kʼarea» (Sl 149:4). Dayirãba jõma aripe oẽmina, iya akʉbʉ ʉ̃ra zeide dayirãba kʼãrẽ nebiata oseabʉta. Edaʉde dayirãitara zare dayikʉza akʉita daya kʼãrẽ nebia erbʉta. Wuabemaraba dayirã sãwũã edabʉ kʼarea, krĩchaseapanʉ dayirã zeri ẽãta. Mawũã ẽ bʉrʉ badua krĩchapanʉbʉrʉ naweda nekayirua obadata, zarebayi ĩjãita Jeowaba kãgabʉta. Mawũã sentipanʉbʉrʉ, ¿kʼãrẽba kʼarebaseabʉ?
Kĩrãbeidua Jeowabara dayirã ẽbẽraba akʉbʉ kĩrãkʼa akʉ ẽãta (1Sa 16:7). Naʉ̃ba jarakĩrãbʉ Jeowabara dayirãba nebia erbʉta audre akʉbʉta dayirãba ũdu ẽmina. Daizeze Bedʼeaba jaradiabʉ Jeowabara sãwũã akʉbʉta dayirãra. Mama eda ũduyi Daizeze Jeowaba dayirã kʼãrẽaba kãgabʉta.
BIDEO DAYI SOʼA ĨJÃBIBARA DAIZEZEBARA KÃGABɄTA ŨDUBIDA TẼÃ, PANɄRA NAɄ̃ WIDITA:
Bideodera ũdusida yiza yi zezeba yi warra wẽbabʉta kʼarebabʉta, naʉ̃bara ¿sãwũã kʼarebabʉ kʼawuaita Jeowaba dayirã sãwũã akʉbʉta?
Ẽbẽra abaʉba nemitia odata akʉza maʉ̃ta jẽda ara osibʉrʉ, ¿kʼãrẽta oibara soiduba ĩjãita Jeowaba wãrĩnu kĩrãduasi kʼawuaita iya nemitia odara? (1Jn 3:19, 20).
¿Kʼãrẽne kʼarebasi mebẽãba David akʉza Jehosafat ʉ̃rʉ le kʼãrãpe maʉ̃ ʉ̃rʉ bia krĩchadabara?