BʼAITA KRISTIANORA KĨRÃKʼA
Jeowabara kʼarebabʉ yi jipa kʼãrẽ ẽ kĩrãkʼa krĩchapanʉrãra
Jõmaʉ̃ta edaʉde sopʉabari. Sopʉa sentibʉbara jarakĩrãkʉ ẽ Jeowaʉ̃me biabʉ ẽãta, Jeowasida sopʉabari baera (Gé 6:5, 6). Mamina, ¿kʼãrẽta oseapanʉ ewari jõmaʉ̃nẽ sopʉapanʉbʉrʉ?
Jeowa kʼarebata widira. Jeowabara kʼawuakĩrãbʉ bʉ sãwũã sentibʉta akʉza sãwũã krĩchabʉta. Jeowabara biʼia kʼawuabʉ sõbede krĩcha opanʉta akʉza sobiapanʉta, adewara Jeowabara kʼawuabʉ dayirãbara kʼãrẽa mawũã opanʉta (Sl 7:9b). Yibia kʼawuaita Jeowaba dayirã ʉ̃rʉ krĩchabʉta akʉza kʼarebaseabʉta dayirã mejãcha sopʉa sentibʉde (Sl 34:18).
Jʉra kʼawuabaibara daya kʼãrẽ ʉ̃rʉ krĩchabʉta. Dayirãta bia krĩcha ẽ bʉrʉ naʉ̃ba sopʉabiseabʉ akʉza oseabʉ Jeowadeba jĩga bamarẽã, maʉ̃ kʼarea bia akʉdaibara dayi sode sãwũã krĩchabʉta (Pr 4:23).
BIDEO SÃWŨÃ MEBẼRÃRA ADUʼAPANɄ SOPɄA SENTIBɄBɄRɄ ŨDUBIDA TẼÃ, PANɄRA NAɄ̃ WIDITA:
¿Kʼãrẽta osi Nikkira mejãcha sopʉa senti ẽ baita?
¿Kʼãrẽa Nikkibara krĩchasi yibiata mediko kʼareba jʉrʉita? (Mt 9:12).
¿Nikkibara sãwũã ũdubisi ĩjãbʉta Jeowaba kʼarebaseabʉta?