BʼAITA KRISTIANORA KĨRÃKʼA

Ẽbẽra religionʼra ĩjã ẽãra kʼarebara ũdukʼawuamarẽã ãyi parãnata

¿Bʉara religionʼra ʉ̃rʉ ĩjã ẽãra jaradiakĩrã ẽ basika krĩchabasi baera ãyara ũrĩkĩrã ẽãta? Mawũã krĩchabaribʉrʉ kĩrãbera idi ewadera Daizeze pʉwʉrʉdebʉta ẽbẽrarã nãã Daizeze ʉ̃rʉ ĩjã ẽ badarata. Edaʉde maʉ̃ra ẽbẽrarãbara Daizeze ʉ̃rʉ jaradiabʉra mesera ĩjãpanʉ (Ro 1:20; 10:14).

BIDEO KĨRÃBERA, ẼBẼRARÃ KʼẼRẼPABɄ Ẽ BIDA ĨJÃTA ERBASEABɄ: RELIGIONʼRA ĨJÃ Ẽ BɄRA ŨDUBIDA TẼÃ, PANɄRA NAɄ̃ WIDITA:

¿Tommaso yizabara sãwũã kʼarebabʉ bʉra ẽbẽrarã religionʼra ĩjãbʉ ẽã jaradiaita?

Your answer

Sãwũã oita

Ẽbẽra abaʉba jarabʉbʉrʉ Daizeze ʉ̃rʉ ĩjã ẽãta iyaʼa ibiade bedʼeara akʉza widira kʼãrẽa mawũã krĩchabʉta (2Ti 2:24). Mõbe bedʼeara iya ũrĩkĩrãbʉ ʉ̃rʉ. ¿Naʉ̃ ẽbẽrabara kʼawuakĩrãbʉka kʼãrẽba kʼarebasita ʉ̃kʉrʉ ẽbẽrarãba ĩjãnamarẽã Daizeze ʉ̃rʉ? Mawũãbʉbʉrʉ ũdubira dayirã kartarata akʉza bideorata maʉ̃ita odapeadata. Kartara ¿Es la vida obra de un Creador? akʉza El origen de la vida. Cinco cuestiones dignas de análisis, yibia dayirãba naʉ̃ ʉ̃rʉ widita. Maʉ̃ kʼarea maʉ̃ra kartarãra eda bʉesida nekʼãrẽ jaradiabarimae, mawũã mesera ũdumarẽã.

Bʉra peraseabʉ ẽbẽra Daizeze ʉ̃rʉ ĩjãbʉ ẽãʉ̃me bedʼeaita. Mawũã berabarira, ¿kʼãrẽa kʼarebata widi ẽ yi audre kʼawuabʉa? Kĩrãbera Jeowaba kʼarebaseabʉ bʉa ẽbẽrarã yi ũrĩkĩrãbʉra soidu jʉ̃ẽine jaradiamarẽã, ãya naweda Daizeze ʉ̃rʉ ĩjã ẽ basimina (Hch 13:48).