26 FEBRERODEBA–3 MARZO EDA

SALMOS 11-15

Trãbi 139 akʉza yiwidʼita | Yi nãã bedʼeabʉta (1 min.)

BEDʼEA BIA DAIZEZE BEDʼEADE ŨDUDATA

1. Krĩchara bʉra Daizezeba ẽjũã bia weya adade aduʼabʉta

(10 min.)

Idi ewadera nokʼoraba ley diabʉra ũrĩ ẽ baera, maʉ̃ba mejãchabʉ yõta (Sl 11:2, 3; w06-S 15/5 18 parr. 3).

Ĩjãseapanʉ Jeowabara aranʉ bʼai jõbita yõra (Sl 11:5; wp16.4-S 11).

Dayirãba krĩchapanʉbʉrʉ Jeowaba nebia weya abʉta, naʉ̃ba kʼarebayi jʉ̃ã kʼawua bʼaita (Sl 13:5, 6; w17.08-S 6 parr. 15).

Wũãwũã abaʉta diamasi aduʼa kʼãĩbʉ oide. Imama paimata bakurude ajirabʉ

NAɄ̃TA OAKɄRA: Akʉra Ezequiel 34:25, mõbe krĩchara bʉra mama eda jarabʉ drʉadebʉta (kr-S 236 parr. 16).

2. Jʉrʉda nekʼãrẽ biʼiabʉta Daizezedebemata

(10 min.)

Sl 14:1. Naʉ̃ bersikuloba jarabʉdera, ¿kʼãrẽba baebiseabʉ kristianorãra? (w13-S 15/9 19 parr. 12).

Bʉa panʉita
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?

Bʉa panʉita

3. Leita

(4 min.) ll yi 1 akʉza yi 2 (th yi 2).

ORA BɄA DAIZEZE BEDʼEA JARADIABɄRɄDE

4. Bedʼea jʉ̃drʉra

(2 min.) BɄYI WÃMAE JARADIARA. Ẽbẽrarãta trʉ̃ra Jesu beida jẽda kĩrãbeita akʉ jʉ̃ẽmarẽã (lmd yi 5 punto 3).

5. Bedʼea jʉ̃drʉra

(1 min.) DEZA DEZA. Ẽbẽrarãta trʉ̃ra Jesu beida jẽda kĩrãbeita akʉ jʉ̃ẽmarẽã (lmd yi 3 punto 4).

6. Bedʼea jʉ̃drʉra

(3 min.) DEZA DEZA. Ẽbẽraba jidabʉ karta Jesu beida jẽda kĩrãbeidebemata akʉza ũdubibʉ audre kʼawuakĩrãbʉta (lmd yi 7 punto 4).

7. Jesu kʼaidu babira

(5 min.) lff yi 13 kĩrãbeita, panʉnadrʉ akʉza «Mʉ̃a oita». «Jʉrʉda audre kʼawuaita» abʉmae, mamabʉ artikulorata, maʉ̃nebemata zokʼara aba bʉ nekʼawuabariba kʼawuamarẽã kʼãrẽta krĩchabʉta Daizezeba religion zeri ẽãra ʉ̃rʉ (th yi 12).

BʼAITA KRISTIANORA KĨRÃKʼA

Trãbi 8

8. «Buru biata audre yibia nekʼãrẽ yõbarira»

(10 min.) Yi wuabemarabawara akʉra.

Zeze naʉ̃ bideodebemabara «Ĩjãita erpanaidua Enoc kĩrãkʼa, Lamec kĩrãkʼa orara», krĩchanʉmʉ iya Daizeze Bedʼeade kʼãrẽ leda ʉ̃rʉ. Akʉza krĩchanʉmʉ Enoc iyi nejʉraraneba mĩrʉbʉta.

Naʉ̃ drʉa jõmaʉ̃nẽbʉ yõta. Jeowaba kʼawuabʉ naʉ̃ba dayirã krĩcha zroma obiseabʉta. Adewara kauchu dayirã aduʼa bakĩrãpanʉta. ¿Sãwũã kʼarebabʉ Jeowabara? Iyi bedʼeadeba (Sl 12:5-7).

Daizeze Bedʼea ũrãgʼata audre yibia nekʼãrẽ yõbarira (Ec 9:18). Akʉra sãwũã Daizeze Bedʼearadebemaba kʼarebaseabʉta ẽbẽrarã kayiruaraneba.

Ec 4:9, 10. Abapai barãra dayi zʉbʉria oseapanʉmae.
Pr 22:3. Ẽbẽrarã biobʉmae jʉra kʼawuabara.
Pr 26:17. Eda bedʼearãra wuabema bedʼeaka barabʉde.
Pr 17:14. Bʉ bʉmae yijõita barabʉbʉrʉ aña wãra. Jĩgabara ẽbẽra kabana mĩga oita barabʉdeda.
Lu 12:15. Bʉa nekʼãrẽ bia erbʉ kʼarea, bʉ bebʉta bebʉde babirãra.

BIDEOTA ũdubira Ĩjãita erpanaidua Enoc kĩrãkʼa, Lamec kĩrãkʼa orara. Maʉ̃ tẽã widira:

¿Sãwũã kʼarebasi Enoc yizaba naʉ̃ mebẽrã burura? (Heb 11:5).

Bʉa panʉita

Edaʉde kristianoba nekʼãrẽ oseabʉ kʼãrẽ sãwũã berabari ẽ marẽã iya nekʼãrẽ bia erbʉta. Iya maʉ̃ta ora jʉra kʼawuabaibara yãrã bea ẽ baita (Sl 51:14; akʉra «Preguntas de los lectores» La Atalaya julio 2017debemata).

9. Sábado 2 marzode jʉ̃drʉdayi Daizeze bedʼea jaradiaita Jesu beida jẽda kĩrãbeita

(5 min.) Zõrãrã abaʉba jara ũrĩbiyi. Jara ũrĩbira kʼãrẽta jarabʉta karta zake Jesu beida jẽda kĩrãbeita. Jarada kongregasionba kʼãrẽta odaita diskurso abapaibʉta ũrĩbita, sãwũã odaita Jesu beida jẽda kĩrãbeita akʉza kʼãrẽta odaita dayirã bʉmae jaradiaita. Mebẽrã kĩrãbera ãya yi nãã edebari 15 ora oseabʉta marzo akʉza abrilde.

10. Ãba yi jʉrebarimae Daizeze Bedʼeadebema libro akʉita

(30 min.) bt yi 6 parr. 9-17 bayeda.