1-7 ABRILBAYEDA
SALMOS 23-25
Trãbi 7 akʉza yiwidʼita | Yi nãã bedʼeabʉta (1 min.)
1. «Jeowara obeja akʉbari»
(10 min.)
Jeowaba dayirã jaradiabʉ (Sl 23:1-3; w11 1/5 31 parr. 3).
Jeowaba akʉbʉ dayirãra (Sl 23:4; w11 1/5 31 parr. 4).
Jeowaba dayirãba nesidabʉta diabʉ (Sl 23:5; w11 1/5 31 parr. 5).
Jeowabara iyi odepanʉrãra bia akʉbʉ obeja akʉbariba obʉ kĩrãkʼa.
BɄYIKɄZA WIDIRA: «¿Jeowaba mʉ̃ra sãwũã akʉ zebʉrʉ?».
2. Jʉrʉda nekʼãrẽ biʼiabʉta Daizezedebemata
(10 min.)
Sl 23:3. ¿Naʉ̃ testode jarabʉ ora saʉ̃ akʉza kʼãrẽta odaibara maʉ̃neba ãĩ wã ẽ baita? (w11 15/2 24 parr. 1-3).
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?
3. Leita
(4 min.) ll yi 12deba yi 14 bayeda (th yi 5).
4. Bedʼea jʉ̃drʉra
(3 min.) BɄYI WÃMAE JARADIARA. Ẽbẽra aba naʉ̃ drʉade kʼãrẽ berabaribʉ kʼarea krĩcha zroma obʉa, so zarea diara Daizeze Bedʼeadeba (lmd yi 2 punto 5).
5. Jẽda akʉ wãra
(4 min.) DEZA DEZA. Ẽbẽra abaʉba Bʉra ewari jõmaʉ̃nẽ sobia baseabʉ kartata jidara, ũdubira maʉ̃neba sãwũã Daizeze Bedʼea kʼawuaseabʉta (lmd yi 9 punto 3).
6. Jesu kʼaidu babira
(5 min.) lff yi 14 punto 4 (lmd yi 11 punto 3).
Trãbi 54
7. Ũrĩna ẽ baibara «ũdudʼakʼa nemirã»
(15 min.) Yi wuabemarabawaraʉba akʉra.
Obejarabara ũrĩ kʼaʉde ãyi akʉbari nemira, mamina ãya ũduka nemira ũrĩ ẽ (Jn 10:5). Abarika dayirãbara ũrĩpanʉ Jeowa akʉza Jesu nemita, ãyira obeja akʉbari kĩrãkʼapanʉ baera akʉza dayirãʼa kãga ũdubipanʉ baera (Sl 23:1; Jn 10:11). Mamina dayirãba ũdudakaba, dayirãba ĩjãbʉta aduabikĩrãpanʉbʉrʉ dayirãʼa bedʼea mitia jarabʉdeba, maʉ̃ra nemira ũrĩna ẽ baibara (2Pe 2:1, 3).
Génesis yi zroma 3de jara ũrĩbibʉ ũrĩnakata ũrĩsidata daya ũduka nemita. Maʉ̃ra berabarisi Diaru Evaʼa damaneba bedʼeaside, mawũã iya kʼawua ẽ marẽã kʼaiʉ̃me bedʼeabʉta. Evaba iyi bedʼeata ũrĩsi baera bedʼea zromata ũdusi akʉza iyi mebẽrãbida.
Idi ewadebida Diarubara Jeowa ʉ̃rʉ akʉza iyi organizasion ʉ̃rʉ sewidata jarabʉ. Ẽbẽra abaʉba Daizeze ʉ̃rʉ sewidata jarabʉbʉrʉ, ũrĩna ẽ baibara maʉ̃ bedʼeara, iya kʼãrẽ jaraita wiña kʼawuakĩrãbʉmina ũrĩna ẽ baibara. Diaruba Eva sewasidera bedʼea mejãcha jara ẽ basi (Gé 3:1, 4, 5). Mamina dayirãba ũdukʼawuabʉba, mawũã ẽ bʉrʉ dayirãba mejãcha kãgabʉba Jeowa organizasion ʉ̃rʉ mitia bedʼeabʉta ũdubikĩrãbʉbʉrʉ, ¿kʼãrẽta odai?
BIDEOTA ũdubira Ũrĩna ẽ baibara «ũdudʼakʼa nemirã». Maʉ̃ tẽã widira:
Eriyidaʉ papaba Jeowa organizasion ʉ̃rʉ mitia bedʼeabʉta ũdubisi maʉ̃ne, ¿iya kʼãrẽ odadeba kʼãrẽta kʼawuaseapanʉ?