8-14 ABRILBAYEDA

BEDʼEA BIA DAIZEZE BEDʼEADE ŨDUDATA

Nokʼo Davidta soiduba yiwidʼibʉ Jeowaʼa.

1. ¿Kʼãrẽta osi Davidbara Jeowaʉ̃me audre kʼẽrẽpa bʼaita?

(10 min.)

Davidba Jeowaʼa widisi kʼarebamarẽã iyi audre ẽbẽra bia bʼaita (Sl 26:1, 2; w04 1/12 14 parr. 8, 9).

Davidʼra ẽbẽrarã kayiruaraneba jĩgabasi (Sl 26:4, 5; w04 1/12 15 parr. 12, 13).

Davidʼra Jeowaʼa yiwidʼikĩrãbasi (Sl 26:8; w04 1/12 16 parr. 17, 18).

Davidba nekayirua osimina Jeowaʉ̃me kʼẽrẽpabasi (1Re 9:4). Davidba ũdubisi Jeowaʉ̃me kʼẽrẽpabasita, ewari jõmaʉ̃nẽ Jeowaʼa kãga ũdubiside akʉza ũrĩside Jeowaba zokʼabʉta.

2. Jʉrʉda nekʼãrẽ biʼiabʉta Daizezedebemata

(10 min.)

Sl 27:10. ¿Naʉ̃ testoba sãwũã so zarea diabʉ dayi neũdukʼawuaraba doba amaebʉrʉde? (w06 15/7 28 parr. 15).

Bʉa panʉita
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?

Bʉa panʉita

3. Leita

(4 min.) bhs yi 1 parr. 1-6 bayeda (th yi 2).

ORA BɄA DAIZEZE BEDʼEA JARADIABɄRɄDE

4. Bedʼea jʉ̃drʉra

(2 min.) DEZA DEZA. Diara karta aba nekʼãrẽ jaradiabaridebemata (th yi 3).

5. Jẽda akʉ wãra

(4 min.) DEZA DEZA. Bʉ nãã ẽbẽraʉ̃me bedʼeasidera kartata amaesi. Maʉ̃ karta ãbʉdeare bedʼea widibʉ ʉ̃rʉ bedʼeaidua. Adewara jw.org de ũdubira iya kʼãrẽta ũduseabʉta mama (lmd yi 9 punto 3).

6. Diskurso

(5 min.) lmd apendise 1 punto 3. Trʉ̃ta: Naʉ̃ drʉara wuara zʉbʉria ẽ bayi, ẽjũã kĩrãwãreã bayi jipa (th yi 13).

BʼAITA KRISTIANORA KĨRÃKʼA

7. Warrara kʼẽrẽpabʉrata

(15 min.) Yi wuabemarabawaraʉba akʉra.

Kʉ̃ra abaʉba krĩchanʉmʉ iya Daizeze Bedʼeade leda ʉ̃rʉ. Iyi kʼawa tablede ũdubʉ naʉ̃ bideoba ũdubibʉta «Bʉ warrarabʉde: ¿Wuabemaraba mia erkʼãĩmarẽã jarabʉdade kʼãrẽta oseabʉ maʉ̃ʼa yi edebi ẽ baita?». Nama ũdubibʉ Josera Potifar kimaneba mĩrʉ wẽbabʉ.

Warrarãra zarea odaibara Jeowa ode kʼẽrẽpa bʼaita. Zarea opanʉ ãyi kakua bia zokʼaita, ãyira warrara baera awurume ãba bakĩrãpanʉ (Ro 7:21; 1Co 7:36). Akʉza zarea oibara wuabemaraba mia erkʼãĩ ʉ̃rʉ jarabʉrʉde maʉ̃ʼa yi edebi ẽ baita ẽbẽraba jarapanʉ baera yibiata abari yumakẽrã, mawũã ẽ bʉrʉ abari yuwẽrãʉ̃me mia erkʼãĩra (Ef 2:2). Sobiapanʉ yi warrara kʼẽrẽpapanʉ kʼarea.

BIDEOTA ũdubira Bʉ warrarabʉde: ¿Wuabemaraba mia erkʼãĩmarẽã jarabʉdade kʼãrẽta oseabʉ maʉ̃ʼa yi edebi ẽ baita? Maʉ̃ tẽã widira:

¿Cory akʉza Kamrynʼʉ̃me ãba estudiapanʉrabara kʼãrẽta omarẽã jarapanasi ãyara?

Bʉa panʉita
¿Kʼãrẽba kʼarebasi ãyi kʼẽrẽpa bʼaita?

Bʉa panʉita
¿Ãyi kĩrãkʼa berabaribʉrʉdera kʼãrẽ Daizeze Bedʼeadebemaba kʼarebaseabʉ bʉra?

Bʉa panʉita

8. Ãba yi jʉrebarimae Daizeze Bedʼeadebema libro akʉita

(30 min.) bt-S yi 8 parr. 5-12 bayeda.