5-11 AGOSTOBAYEDA

BEDʼEA BIA DAIZEZE BEDʼEADE ŨDUDATA

1. Jara ũrĩbira Daizeze zarea ʉ̃rʉ ʉ̃rabʉrʉ zeira

(10 min.)

Davidbara iyi warrarabʉeda ũdusi Jeowaba sãwũã kʼarebasita (Sl 71:5; w99-S 1/9 18 parr. 17).

David zõrãrã baside ũdusi Jeowaba sãwũã kʼarebabʉta (Sl 71:9; g04-S 8/10 23 parr. 3).

Davidba so zarea diasi warrara iyi berabarida ʉ̃rʉ nebʉrabʉdeba (Sl 71:17, 18; w14-S 15/1 23 parr. 4, 5).

Mebẽrãba trʉ̃panʉ juwa jidapanʉra zõrãpanʉta ãyibawaraʉba Jeowa ʉ̃rʉ kʼawuadamarẽã. Sobia ũrĩpanʉ ãya nebʉrabʉta akʉza akʉpanʉ potora ãya ũdubibʉta. Naʉ̃ra mebẽrãra iyabaʉ mebẽrã semana nabemane «Kʼãrẽta oseabʉ bʉ mebẽrãbawaraʉba semanaza Jeowa ʉ̃rʉ kʼawuaita» abʉmae ʉ̃tʉ zedata iyi.

BɄYIKɄZA WIDIRA: «¿Semanane mebẽrãbawara Jeowa ʉ̃rʉ kʼawuabʉrʉde kʼai mebẽã zõrãbʉta beʼdea edakĩrãbʉ?».

2. Jʉrʉda nekʼãrẽ biʼiabʉta Daizezedebemata

(10 min.)

Sl 72:8. ¿Sãwũã aripe berabarisi Jeowaba Abrahánʼa Génesis 15:18de jaradara Salomónba zokʼabasi ewaride? (it-1-S 883).

Bʉa panʉita
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?

Bʉa panʉita

3. Leita

(4 min.) bhs yi 4 parr. 17-21 bayeda (th yi 5).

ORA BɄA DAIZEZE BEDʼEA JARADIABɄRɄDE

4. Bedʼea jʉ̃drʉra

(3 min.) DEZA DEZA. Ẽbẽra aba kʼaikʼaia bedʼeadogode ibiade bedʼea kʼãrãpe wãra (lmd yi 4 punto 5).

5. Jẽda akʉ wãra

(4 min.) BɄYI WÃMAE JARADIARA. Bʉ mebẽrãnebema abaʉba biʼia kʼawua ẽ Daizeze Bedʼea ʉ̃rʉ kʼawuakĩrãbʉ kʼawuaita, maʉ̃me akʉza jẽda bedʼeara (lmd yi 8 punto 4).

6. Jara ũrĩbira bʉa ĩjãbʉ ʉ̃rʉ

(5 min.) Diskurso. ijwfq-S 49. Trʉ̃ta: ¿Kʼãrẽa Jeowa ʉ̃rʉ Kʼawuabipanʉrãbara ãya ĩjãbʉra awuara owãna? (th yi 17).

BʼAITA KRISTIANORA KĨRÃKʼA

7. Bʉ mebẽrãbawaraʉba naʉ̃ta akʉra

(15 min.) Yi wuabemarabawaraʉba akʉra.

Iyabaʉ mebẽrãba piradrʉ trãpanʉ Daizeze Nokʼo trãbita ãyi deda.

Mebẽrã ãbaʉba akʉpanʉ JW Broadcasting ta.

Kaʉ abaʉba yi papaʉ̃meba ãyi mebẽrãbawaraʉba Jeowa ʉ̃rʉ kʼawuanʉmʉne oũdubipanʉ nekʼãrẽ wãrĩnu berabariseabʉta.

Mebẽrãbawaraʉba semanaza Jeowa ʉ̃rʉ kʼawuaira yibia wũãwũãraba Jeowaba kʼãrẽ ũrãgʼa diabʉta ũrĩ kʼawuamarẽã (Ef 6:4). Kʼãrẽ kʼawuaira zareabʉ mamina biode kʼarebabʉ audre nekʼãrẽ kʼawuaita. Adewara audre kʼarebabʉ wũãwũãraba wãrĩnu ʉ̃rʉ kʼawuakĩrãbʉde (Jn 6:27; 1Pe 2:2). Akʉra rekuadro «Bʉ mebẽrãbawaraʉba naʉ̃ta akʉra», naʉ̃ba kʼarebaseabʉ yibariraba wũãwũãraba kãgaide omarẽã mawũã masena ẽ marẽã akʉza nekʼãrẽ biata jaradiadamarẽã. Maʉ̃ tẽã widira:

¿Naʉ̃ranebemara bʉara saʉ̃ta okĩrãi?

Bʉa panʉita
¿Naʉ̃ adewara kʼãrẽ ũrãgʼata ũdusi?

Bʉa panʉita

BɄ MEBẼRÃBAWARAɄBA NAɄ̃TA AKɄRA

DAIZEZE BEDʼEATA:

Dayirãbara semanaza Daizeze Bedʼeata akʉbʉ ãba yi jʉrebarima wãi nãã, mara mebẽrãbawara ãbabʉde naʉ̃ testo grawamata ũrĩdua mawũã ẽ bʉrʉ aba abakaʉba leseabʉ. Mara aba abakaʉba ẽbẽra eda bedʼeachʉbe kĩrãkʼa leseabʉ.
Semanane testo akʉpanʉ ʉ̃rʉ jʉrʉda kʼãrẽ widita. Maʉ̃ tẽã bʉ mebẽrã jarada jidadamarẽã saʉ̃ ʉ̃rʉ kʼawuakĩrãbʉta. Tẽã bedʼeaidua mayi aba abakaʉba kʼawuada ʉ̃rʉ.
Bedʼeata widida mawũã ẽ bʉrʉ yizata jarada mõbe «Textos bíblicos para la vida cristiana» abʉmae jʉrʉda Daizeze Bedʼearadebemaba kʼãrẽ ũrãgʼa diabʉta.
Nebʉra Daizeze Bedʼeadebʉta oũdubidua.
Karta zakede bʉra testo aba, maʉ̃ta burude kʼawuara semana abaʉde akʉza yi wuarebema semanane bʉra awuru testota mamina bʉa nãã bʉdasida jẽda kĩrãbera. Ora karta Kãgara ẽbẽrarã - Jesu kʼaidu babira apendise Ade jarabʉ kĩrãkʼa
Wiña akʉidua Bʉra ewari jõmaʉ̃nẽ sobia baseabʉ librota
Jarada bʉ mebẽrã aba abakaʉba jara ũrĩbidamarẽã artikulo aba naʉ̃ne edabʉta «Daizeze Bedʼea ʉ̃rʉ widipanʉta» mawũã ẽ bʉrʉ «Textos bíblicos explicados» naʉ̃ra ũduseabʉ jw.org de «DAIZEZE BEDʼEADEBA JARADIABɄTA» abʉmae.

ÃBA YI JɄREBɄTA:

Ãba yi jʉrebarimae estudiabadata wiña akʉidua.
Komentario aba jidape jara ũrĩbira sãwũã jaraita akʉza akʉra kʼãrẽãba bedʼeabʉta.
Trãbi ãba yi jʉrebaridebemata deda trãidua.
Bedʼeaidua kʼãrẽta jaraita wuabemara so zarea diaita ãba yi jʉrei nãã akʉza maʉ̃ tẽãbida.
Bʉ mebẽrãnebema abaʉba erbʉbʉrʉ asinasionta naena ãbaʉba deda akʉidua iya sãwũã oũdubita.

JARADIA WÃITA:

Deza deza jaradia wãi nãã krĩchaidua kʼãrẽta jaradiaita.
Estudiara jẽda akʉ wãi nãã.
Krĩchara bʉra ode wãta mõbe jʉrʉda sãwũã bedʼea jʉ̃drʉita ẽbẽra bʉa ode ũdubʉrʉme
Bedʼeaidua Jesu beida jẽda kĩrãbepanʉne sãwũã audre jaradia wãita akʉza trajodeba ẽdrʉbʉrʉde adewara warrara kolegiodeba ẽdrʉbʉrʉde sãwũã audre jaradiaita.

MEBẼRÃBA NESIDABɄTA:

Ewari erbaibara mebẽrãbawara bedʼeaita nekʼãrẽ berabariseabʉ ʉ̃rʉ. Bari jaraita, mara kʼaiare bʉ ẽãta ũdubibarade, wuabemaraba zʉbʉria obʉdade, nobio erbaita krĩchabʉrʉde akʉza nawida piesta omarẽã jarabʉdade.
Ewari aba erbara bʉ wũãwũãraba yibariraba obʉ kĩrãkʼa odamarẽã. Bari jaraita, wũãwũãraba jʉrʉyi kʼãrẽ ʉ̃rʉ bedʼeaita akʉza kʼãrẽ jaradiaita, tẽã jʉ̃nea yibarirabawara maʉ̃ ʉ̃rʉ bedʼeadamarẽã.

AWURU ŨRÃGʼARATA:

Akʉidua JW Broadcasting^® akʉza maʉ̃ ʉ̃rʉ bedʼeaidua.
Akʉidua artikulota aba mawũã ẽ bʉrʉ bideota jw.org debʉta akʉza maʉ̃ ʉ̃rʉ bedʼeaidua.
Akʉidua DAIZEZE BEDʼEA DEBA JARADIABɄTA abʉmae jw.org de, jʉrʉidua «Warrarata akʉza warrara nããbemarata» mawũã ẽ bʉrʉ «Wũãwũãra» abʉmae adewara maʉ̃ ʉ̃rʉ bedʼeaidua.
Akʉza jẽda akʉidua ãba yi jʉrebaride mawũã ẽ bʉrʉ asambleade ũrĩna bʉdapeadata.
Akʉidua mawũã ẽ bʉrʉ jʉrʉidua nekʼãrẽ parãna ʉ̃rʉ mõbe bedʼeaidua kʼãrẽta jaradiabʉta maʉ̃ba Jeowa ʉ̃rʉ.
Edaʉde biga bayi mebẽã aba trʉ̃ita marabawara estudiamarẽã akʉza iyaʼa nekʼãrẽ wididua mawũã audre ũdukʼawuaita.
Krĩchaidua kʼãrẽta odaita audre Jeowa kʼawa bʼaita akʉza bedʼeaidua maʉ̃ sãwũã aripe oita.
Ãbaʉba nekʼãrẽ oidua bari jaraita, mapata, dibujota mawũã ẽ bʉrʉ nekʼãrẽta parãidua.

BIDEOTA ũdubira Bʉ mebẽrãbawara Jeowa ʉ̃rʉ kʼawuabʉta audre bia owãra. Maʉ̃ tẽã widira:

¿Yumakẽrãbara sãwũã audre bia oseabʉ semanaza Jeowa ʉ̃rʉ kʼawuabʉra wũãwũãra deda neẽãnera?

Bʉa panʉita

8. Ãba yi jʉrebarimae Daizeze Bedʼeadebema libro akʉita

(30 min.) bt yi 13 parr. 17-24 bayeda.