Lepanʉraba widipanʉta
¿Israelitara drʉa ibʉawabʉmae panasidera bari mana awa akʉza zuerru awa kopanasika?
Israelitara drʉa ibʉawabʉmae 40 poagabayeda panasidera ãyara audre kopanasi manata (Éx. 16:35). Adewara Jeowaba ãyaʼa zuerruta diada ũme diasi (Éx. 16:12, 13; Núm. 11:31). Mamina israelitarabara wuabemara yikosida wiña erpanasi.
Bari jaraita, Jeowaba ãyi awuru drʉaeda edebʉrʉdera diabasi baniata akʉza yikota, mawũã ãyita biapanamarẽã (Núm. 10:33). Maʉ̃ra pʉwʉrʉdebemara Elimbasi, mamara basi 70 bakurura urawadeta akʉza 12 do dabʉrata. Maʉ̃ra urawara neta datildebemabasi (Éx. 15:27). Plans of the Bible libroba naʉ̃ta jarasi maʉ̃ra urawa ʉ̃rʉ, jarabʉ: «Naʉ̃ urawara badumae wariseabʉ akʉza drʉa ibʉawabʉdebida. Naʉ̃bara ẽbẽrarã diabʉ yikota, nedragata akʉza ãyi sama mĩrʉ̃ita».
Adewara israelitarãra wãsidabaibara koribi Faránʼenaa. Discovering the World of the Bible libroba maʉ̃ koribi ʉ̃rʉ jarabʉ: «Maʉ̃ koribira Sinaídebema yi audre drazoachu akʉza yi audre biʼiakiru». Maʉ̃ libroba adewara jarabʉ: «Maʉ̃ koribi kʼawabʉ dota, bʉta maʉ̃ne wua wãra jʉ̃ẽñi pusata doʉ̃me kĩrãteibʉidu, mama ũduyi drʉa Faránta». Namara mejãcha basi urawarata, maʉ̃ra jipa biʼiakiru baera ʉ̃kʉrʉbara jarapanʉ Jardín Edén kĩrãkʼabʉta. Poaga biobayeda ẽbẽrarãra nainʉ jʉ̃ẽpanʉ urawa datildebema kʼarea.
Urawara Farán drʉadebemata
Israelitara Egiptodeba ẽdrʉsidera, ãyara edesida arinata akʉza maʉ̃ arina sama birabaraita adewara edesida netata akʉza nedragata, adewara edesida obejarata akʉza pakarata (Éx. 12:34-39). Mamina ãyira drʉa ibʉawabʉde panasi baera naʉ̃ra nedʉwʉrʉdebemarãra mejãchaʉta beisibaibara, ʉ̃kʉrʉta israelitaraba kosibaibara, adewara ʉ̃kʉrʉra zokʼasida sakripisio oita akʉza sakripisio osida daizeze zeri ẽãb (Hech. 7:39-43). Akʉza jaraseapanʉ israelitarabara dapʉẽsidata pakata akʉza obejarata, maʉ̃ra kʼawuapanʉ Jeowaba israelitaraba iyi bedʼea ũrĩ e baside Jeowaba jaraside mara wũãwũãra obeja akʉbarira bayi drʉa ibʉawabʉde 40 poagabayeda (Núm. 14:33). Maʉ̃ba ãyara lecheta akʉza chichita erpanasibaibara, mamina naʉ̃bara ãyi jõma aribae ẽ basibaibara biopanʉ baera akʉza 40 poaga bayeda maʉ̃ta koibarabasi baera.c
¿Ãyara nedʉwʉrʉraita baniara akʉza yikora sama ũdusidabaibara?d Maʉ̃ ewaridera mejãcha kue zebasibaibara. Maʉ̃ba chiruarata mejãcha pawãrapanasibaibara. Perspicacia para comprender las Escrituras, yi 1ba jarabʉ: «3.500 poaga basidera israelitara chuadamaera bania audrebasita idibʉira. Maʉ̃ ewaridera koribita mejãchabasi, maʉ̃ba jarakĩrãbasi dosida mejãchabasita, maʉ̃ba ũdubibʉ kueta mejãcha zebasita». Mawũãsidu naʉ̃ drʉara ibʉawabʉ baera põasãbasi (Deut. 8:14-16). Jeowaba israelitara bania dia ẽ basibʉrʉ ãyira beikasi akʉza ãyi nedʉwʉrʉrasida (Éx. 15:22-25; 17:1-6; Núm. 20:2, 11).
Moisésba israelitara jarasi Jeowabara ãya manata diasita «kʼawuamarẽã ẽbẽrarã bari yiko awaʉba abʉ ẽãta, awuarabʉrʉ Jeowaba jarabʉdeba zokʼaipanʉ» (Deut. 8:3).
b Daizeze Bedʼeaba jarabʉ israelitara drʉa ibʉawabʉdepanasidera, ãyara sakripisio ũme osidata nedʉwʉrʉdeta, mawũã Jeowaʼa diaita. Nããrãra osida saserdotera traja jʉ̃drʉsidade, maʉ̃are osida Pascua ewaride. Maʉ̃ra berabarisi 1512de Kristo nãã (K.n) ãyi israelitara Egiptodeba ẽdrʉdata poaga aba berabarida tẽã (Lev. 8:14–9:24; Núm. 9:1-5).
c Israelitarãra drʉa ibʉawabʉmae 40 poagabayeda panasi, maʉ̃ 40 poaga babodoare ãya yõne nedʉwʉrʉrata mejãcha jidasida (Núm. 31:32-34). Mawũãsidu ãyara manata kopanasi Jeowaba drʉa bia diaya adaidu jʉ̃ẽñena (Jos. 5:10-12).
d Jeowaba israelitara jarasi ãya aba abakaʉba jidamarẽã manata ãya koseabʉ awa, mamina jara ẽ basi nedʉwʉrʉraita jidamarẽã, naʉba ũdubibʉ nedʉwʉrʉrabara koebasita manara (Éx. 16:15, 16).