Nebʉra

So zʉbʉria akʉra ẽbẽra jõmaʉ̃ta

Ewari aba mebẽã Nueva Zelandadebemaba ũdusi bideo «Preocupémonos unos por otros», nama ũdubibasi Jeowabara bari so zʉbʉria sentibʉ ẽãta awuarabʉrʉ iyara maʉ̃ta oũdubibʉ (Is. 63:​7-9). Maʉ̃ ewaride iya mawũã kʼawuadata oũdubikĩrabasi. Iyi ne eda wãside ũdusi ẽbẽra ode ne widibʉta, aramaʉ̃ta iya maʉ̃ ẽbẽrata trʉ̃si iyiʉ̃me neko wãmarẽã, mebẽãba iyaʼa yiko diaside wiña jaradiasi naʉ̃ karta zakedeba ¿Ewari abaʉde ne ẽ baika zʉbʉriara?

Naʉ̃ ẽbẽra wẽrãra jẽga totosi mõbe mebẽã jara ũrĩbisi iyi mebẽrãra Jeowa ʉ̃rʉ Kʼawuabipanʉrãta, mamina iyira Jeowadeba jĩga wãnata dããrabata. Akʉza iyira Jeowa yiwidʼibasita jẽda iyima wẽmarẽã. Mebẽãbara iyaʼa Daizeze Bedʼeata diasi akʉza Daizeze Bedʼea jaradia jʉ̃drʉsi.a

Dayirãba Jeowade kĩrãkʼa wuabemara so zʉbʉria akʉita ũdubibara (dayirã mebẽrã akʉza mebẽrã kongregasionebemara). Adewara so zʉbʉria akʉbʉta ũdubipanʉ ẽbẽrarã Daizeze bedʼea jaradiapanʉne.