DAIZEZE BEDʼEABA JARABɄTA JARA ŨRĨBIBɄ
«Kʼawuasi sãwũã ũrĩ kʼawuaita»
Jesúsbara Jeowaba jarabadara ewari jõmaʉ̃nẽ ũrĩbasi (Juan 8:29). Mamina ¿kʼãrẽa Daizeze Bedʼeabara jarabʉ, «kʼawuasi sãwũã ũrĩ kʼawuaita iyi zʉbʉriadadeba»? (Heb. 5:8).
Jesús naʉ̃ drʉade basidera mejãcha ũdusi zʉbʉriata iyi ʉ̃tʉ baside ũdu ẽ badata. Bari jaradaita, Jesúsbara iyi zeze namabema nekayirua omia basimina akʉza Jeowa kãgabasimina maʉ̃ bedʼeata ũrĩ barabasi (Luc. 2:51). Religionʼra Nokʼoraba mejãcha zʉbʉria osida (Mat. 26:59; Mar. 15:15). Adewara edabʉta krĩchabasi akʉza ũrĩbasi beiyeda, iyi mawũã berabarisidera mejãcha zʉbʉria beasida (Filip. 2:8).
Jesús kʼãwũã naʉ̃ egoro eda zedaba kʼarebasi Jeowa bedʼea audre biʼia ũrĩta akʉza iyira Nokʼo ba zesi adewara Sumo saserdote nekayirua oka ba zesi, maʉ̃ awuara Jesúsbara dayirãra maʉ̃ba bia ũdukʼawuabʉ (Heb. 4:15; 5:9). Maʉ̃ba Jeowabara Jesúsʼra audre mejãcha kãga zesi. Jesúsbara iyi mejãcha zʉbʉria basimina ũrĩbasi Jeowa bedʼeata. Maʉ̃ kĩrãkʼa dayirã ʉ̃rʉ jaraseabʉ, dayirã zʉbʉria panʉmina Jeowa bedʼeata ũrĩpanʉbʉrʉ, mawũãra Jeowabara dayirãra bia akʉseabʉ (San. 1:4).