Kolegiode põgaba ẽbẽrata mejãcha beasida, ¿kʼãrẽta jarabʉ Daizeze Bedʼeabara maʉ̃ ʉ̃rʉ?

Mayo 24 poaga 2022de ẽbẽrarãba jʉ̃ã ẽ badata berabarisi pʉwʉrʉ Uvalde (Texas, Estados Unidosde). The New York Times kartaba jarasi «ẽbẽra abaʉba kolegiode beasita wũãwũãrata 19 akʉza propesorerata ũme […] kolegiode Robb Elementary School».

Naʉ̃ra badua berabaribʉ. USA Today kartaba jarasi bari Estados Unidosdebʉrʉ «kolegiode põgaba beabʉda 249 ẽbẽrarã, audre biebʉrʉ idi ewade poaga 1970deba ʉ̃ta beadaira».

¿Kʼãrẽa mawũã berabaribʉ naʉ̃ra?, ¿kʼãrẽta oibara naʉ̃ bedʼea zroma awuantaita?, ¿ewari abaʉde jõika naʉ̃ bedʼea zromara? Daizeze Bedʼeaba panʉbʉ naʉ̃ ʉ̃rʉ.

¿Kʼãrẽa ẽbẽrarã wuabʉrʉ ẽbẽra kayirua ba wã?

•  Daizeze Bedʼeabara jarabʉ dayirãra naʉ̃ ewari jõbodoare panʉta akʉza jarasi ẽbẽrarã yi kãga ũdubida ẽ bʼaita adewara mia beamia bʼaita, naʉ̃bara jarakĩrãkʉ ẽbẽrabara nemitia odaita akʉza yõnaita. Yi maʉ̃ nemitia opanʉbara audre nemitia odaita (2 Timoteo 3:1-5, 13). Audre kʼawuakĩrãbʉbʉrʉ akʉra artikulo «¿Predijo la Biblia cómo sería la gente en nuestros días?».

Ẽbẽrã mejãchaʉba widibʉ «¿Kʼãrẽa Daizezebara iduaribibʉ kolegiode põgaba batadamarẽã?». Kʼawuaita kʼãrẽta jarabʉ Daizeze Bedʼeabara maʉ̃ ʉ̃rʉ akʉra artikulo «¿Por qué le pasan cosas malas a la gente buena?».

¿Kʼãrẽta oibara naʉ̃ bedʼea zroma awuantaita?

•  «Nããra nekʼãrẽ bʉdapeadara bʉsida dayirãba kʼawuadamarẽã, […] Daizeze Bedʼeaba so zarea diabʉdeba nebiata jʉ̃ãnamarẽã» (Romanos 15:4).

Daizeze Bedʼearadebemaba kʼarebaseabʉ naʉ̃ drʉade bedʼea zromabʉ awuantaita. Audre kʼawuakĩrãbʉbʉrʉ akʉra karata ¡Despertad! «¿Acabará algún día la violencia?».

Yibariraba ãyi wũãwũã kʼarebamarẽã nemitia berabaribʉta akʉbʉde telebisorde akʉza ũrĩbʉde, akʉseabʉ naʉ̃ artikulota «El efecto de las noticias en los niños».

¿Ewari abaʉde jõika naʉ̃ bedʼea zromara?

•  «Ẽdrʉbiyi bedʼea zromaneba akʉza kayiruadeba» (Salmo 72:14).

•  «Akʉza kʉchora pala babiyi akʉza ãyi miazʉra tigera babiyi. Mia abaʉ pʉwʉrʉba kʉcho jiradadakabayi awuru pʉwʉrʉ beaita, mia abaʉba wuara yõ kʼawuada ẽ bayi» (Miqueas 4:3).

Daizezebara oyi ẽbẽraba obe ẽãta. Iyi Nokʼodeba jõma jõbiyi ẽbẽra kayiruarata akʉza yõta. Audre kawuaita Daizeze Nokʼoba kʼãrẽ oita akʉra artikulo «El Reino de Dios traerá ‹paz en abundancia›».