¿Jõmaʉ̃ta kʼare krĩcha ẽa yi kãgaseapanʉka? | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Ẽbẽrarã bioba krĩchapanʉ yiya kãgaira ũdada ẽ bai kĩrãkʼa bʉta.

• «Yi juraira beneno kĩrãkʼa bʉ jipa. Maʉ̃ra ũdupanʉ ãba yi jʉrebʉde, kultura awuara awuarakade akʉza ẽbẽrarãne eda bʉ. Yiya jurabʉ baera bia akʉda ẽ wabemara». António Guterres, Secretario General Naciones Unidas.

¿Yiya jurabʉra jõĩka ewari abaʉde? ¿Kʼãrẽta jarabʉ Daizeze Bedʼeabara?

¿Sãwũã akʉbʉ Daizezebara ẽbẽrarã kĩra awuara awuaka bʉra?

Daizeze Bedʼeabara jaradiabʉ Daizezebara sãwũã akʉbʉta ẽbẽrarã kĩra awuara awuaraka bʉra.

• «Abʼaʉdʼeba zhãrã bio eababisia drua jõmaʉ̃ne bʼeamarẽã [Daizezebara]» (Hechos 17:26).

• «Daizezebara jõma ẽbẽrarãra awuara akʉ ẽãta, awuarabʉrʉ kãga iyi wawiabʉra akʉza nebia opanʉrata, krĩcha ẽã samabema pʉwʉrʉta» (Hechos 10:34, 35).

Daizeze Bedʼeabara jaradiabʉ Daizezeitara ẽbẽrarãra jõma abarika panʉta, iyara akʉ ẽ samabemata.

¿Sõbede jõĩ ẽbẽrarã yiya jurapanʉrarã?

Maʉ̃ra jõbiyi Daizeze nokʼoba. Maʉ̃ nokʼora ʉ̃tubema. Maʉ̃ nokʼobara jaradiayi ẽbẽrarãra sãwũã yi kãgaibarata wãrĩnu. Ẽbẽrarãbara kʼawuadayi ãyi sode awuru juraita bʉra, sãwũã idubʉ wãnaita.

• «Bʉa naʉ̃ drʉa zokʼabʉbaera, ẽberarãbara kʼawuapanʉ aripe oibarata» (Isaías 26:9).

• «Jõma aripe oideba aduʼa bayi, daya nebia obʉdeba neneẽã aduʼa bayi ewari jõmaʉ̃nẽ» (Isaías 32:17).

Idi ewadera ẽbẽrarã bioʉba kʼawuabarabʉ Daizeze Bedʼeadeba yiya bia akʉita akʉza ibiade.

• Audre kʼawuakĩrãbʉbʉrʉ akʉra naʉ̃ ¡Despertad! yi trura “¿Tiene cura el prejuicio?”.

• Adewara akʉseabʉ naʉ̃ artikulota “¿Cómo hablar con sus hijos sobre el racismo?”, sãwũã bedʼeaita bʉ wũãwũãra bawara maʉ̃ ʉ̃rʉ.