Kʼai ʉ̃rʉ ĩjaseabʉ | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Ẽbẽra mejãchaʉta bia ẽ sentibʉ ẽbẽra ãya bia akʉbʉba ãya jʉ̃a ẽ badata obʉrʉde. Ẽbẽra mejãchaʉba ĩjã ẽ naʉ̃ra ʉ̃rʉ:

• Nokʼora ãya nesidabʉta nããra jʉrʉpanʉra ʉ̃rʉ .

• Notisiade ãya kãgabʉ ʉ̃rʉ audre ibia bedʼeapanʉra ʉ̃rʉ akʉza warĩnũ jarada ẽã ʉ̃rʉ.

• Sientipikoraba nekʼãrẽ oẽãne ẽbẽrarã kʼarebaita.

• Religion nokʼora politika eda wãpanʉra ʉ̃rʉ Daizeze ʉ̃rʉ jaradiai kaude.

Maʉ̃ kʼarea ẽbẽrarã jʉra kʼawuapanʉ ãya kʼai ʉ̃rʉ ĩjãbʉ kʼarea. Daizeze Bedʼeaba jarabʉ:

• «Ĩjãraidua nokʼora ʉ̃rʉ, mia yumakẽrã warra ʉ̃rʉ, ãyara ẽdrʉbibeda ẽ baera» (Sal. 146:3)

Bʉ bʉa kʼai ʉ̃rʉ ĩjãseabʉta

 Daizeze Bedʼeade jara ũrĩbibʉ kʼai ʉ̃rʉ ĩjãseabʉta: Maʉ̃ra Jesús. Iyira bari ẽbẽra bia basi ẽ. Daizezeba Jesústa nokʼobabisi «iyara ewari jõmaʉ̃nẽ zokʼayi [...]. Akʉza iya zokʼabʉra jõkabayi» (Luc. 1:32, 33). Jesúsʼra Daizeze Nokʼo, iyara atiara ʉ̃tʉba zokʼanʉmʉ (Mat. 6:10).

• Jesús ʉ̃rʉ kʼãrẽa ĩjãibarata kʼawuakĩrãbʉbʉrʉ akʉra naʉ̃ra artikulorata ¿Kʼaiba zokʼai Daizeze Nokʼora? akʉza ¿Kʼãrẽta oi Daizeze Nokʼobara?”