Badua widipanʉta / Kʼãrẽ ĩjãbʉta / ¿Jeowa ʉ̃rʉ Kʼawuabipanʉrãra creacionistaraka?

Creacionistara ẽ. Dai Jeowa ʉ̃rʉ Kʼawuabipanʉrãbara jõma ĩjãpanʉ Daizezeba naʉ̃ drʉara jõma parãsita, mamina ĩjãna ẽ creacionismoba jaradiabʉta. ¿Kʼãrẽa? Daizeze Bedʼeade edabʉta ʉ̃kʉrʉra creacionismoba jaradiabʉta neẽ baera. Maʉ̃ranebema ũme akʉdaya eda Daizeze Bedʼeade jara ẽãta:

1. Jeowaba ewari 6de odara kʼãrẽaba edesi. Ʉ̃kʉrʉ creacionistaraba jarabʉ Daizezeba nekʼãrẽ parãsidera ewari 6de maosita, maʉ̃ ewarira edebʉta ewari aba. Daizeze Bedʼeaba jarabʉ Daizezebara nekʼãrẽ parãsidera ewari 6 babʉrʉde maparãsita. Mamina ʉ̃kʉrʉ creacionistaraba jarapanʉ maʉ̃ ewarira 24 oradebemabasita. Mamina Daizeze Bedʼeaba ewari jarabʉra jarakĩrãbʉ 24 ora, mawũã ẽ bʉrʉ ewari bio edebʉta (Génesis 2:4; Salmo 90:4).

2. Drʉa sõbe poaga chuta. Ʉ̃kʉrʉ creacionistaraba jarapanʉ naʉ̃ drʉa parãnapeadara ewari wika bata. Daizeze Bedʼeaba jarabʉ ewari 6 babʉrʉde Daizezeba parãsi nekʼãrẽ naʉ̃ drʉadebʉta. Mamina maʉ̃ oi naweda basi naʉ̃ drʉara akʉza maʉ̃ ãĩbʉsida (Génesis 1:1). Maʉ̃ kʼarea dai Jeowa ʉ̃rʉ Kʼawuabipanʉrãbara sientipikoraba kʼãrẽ jarabʉta naʉ̃ drʉa ʉ̃rʉ mejãcha bakikibarita wãrĩnu ĩjãpanʉ.

Dai Jeowa ʉ̃rʉ Kʼawuabipanʉrãbara ĩjãpanʉ nekʼãrẽ zedara Jeowaba parãsita, mamina ĩjãpanʉ ʉ̃kʉrʉta siensiaba jarabʉsida. Maʉ̃ba jarakĩrãbʉ Daizeze Bedʼeade eda jarabʉra edaʉde abarika chuta siensiaba jarabʉme.