¿Jeowa ʉ̃rʉ Kʼawuabipanʉrãbara yi mebẽrãneba jĩga wãbibʉka mawũã ẽ bʉrʉ mebẽrã ãba babibʉka?

Dai Jeowa ʉ̃rʉ Kʼawuabipanʉrãbara zarea opanʉ dai mebẽrãbawara audre ãba bʼaita akʉza dai de kʼawapanʉrabawarabida. Daitara audre yibia mebẽrãbawara ãba bʼaita, Daizezeba mawũã bamarẽã osi baera (Génesis 2:​21-​24; Efesios 3:​14, 15). Daizezeba iyi Bedʼeade bʉsi ũrãgʼata mebẽrãra jõmaita, mawũã juwa jidapanʉrata sobia bamarẽã akʉza ãba bamarẽã.

¿Sãwũã kʼarebabʉ Jeowa ʉ̃rʉ Kʼawuabipanʉrãba mebẽrãra audre ãba bamarẽã?

Nããra Daizeze Bedʼeaba diabʉ ũrãgʼata kima bia bʼaita akʉza zeze bia bʼaita, daibara maʉ̃ oũdubita zarea opanʉ (Proverbios 31:10-​31; Efesios 5:⁠22–​6:4; 1 Timoteo 5:8). Bʉ ʉ̃kʉrʉ mebẽrãnebema Daizeze odebʉrata, maʉ̃ne ʉ̃kʉrʉta iyi odebʉ ẽ. Maʉ̃ra mebẽrãsida Daizeze Bedʼeade ũrãgʼabʉba maʉ̃rasida kʼarebabʉ. (1 Pedro 3:​1, 2). Bari jaradaita, atia akʉdaya kʼãrẽta jarabʉta ʉ̃kʉrʉ ẽbẽrarãba ãyi kima Jeowa ʉ̃rʉ Kʼawuabipanʉrã bada tẽã:

• «Dai juwa jidadadeba yẽta 6 poagabasi yõpananata akʉza mejãcha kĩrʉpanasi, mamina Ivete Jeowa ʉ̃rʉ Kʼawuabipanʉrã ba zesidera audre ẽbẽra biabasi akʉza jʉ̃ã kʼawuabʉta ũdubibasi. Daira yi idubʉda ẽ basi iya nebiata ojʉ̃drʉsi baera» (Clauir, Brasildebema).

• «Mʉ̃ kima Chansa, Jeowa ʉ̃rʉ Kʼawuabipanʉrãbawara Daizeze Bedʼea akʉ jʉ̃drʉsidera mʉ̃ara jipa kãga ẽ basi, mʉ̃a krĩchabasi baera ãyara mʉ̃ mebẽrãneba jĩgara babita. Kʼãwũã ewari berabari wãne kʼawuabʉrʉ kʼãwũã Daizeze Bedʼea akʉbʉba daira kʼarebabʉ audre bia wãita» (Agness, Zambiadebema).

Adewara daibara ẽbẽrarã jaradiabʉ Daizeze Bedʼeabara nekʼãrẽ biode kʼarebaseabʉta. Bari jaradaita

• Buscar un cónyuge adecuado

• Superar las dificultades del primer año de casados

• Llevarse bien con los suegros

• Administrar bien el dinero

• Dejar de discutir

• Aprender a perdonar

• Corregir a los hijos

¿Juwa jidapanʉranebema abaʉta Daizeze ʉ̃rʉ kʼawuabʉrʉdera maʉ̃ba bedʼea zroma ũduseabʉka yi kimaʉ̃me?

Edaʉde maʉ̃ta berabariseabʉ, 1998de empresadebema Sofresba ũdubisi 20 juwa jidapanʉradebemata aba, Jeowa ʉ̃rʉ Kʼawuabipanʉrã ba zesi, maʉ̃ kʼarea bedʼea zromata ũdupanasi, iyi kimata wãsi baera awuru religonʼena.

Jesuba jara ũrĩbisi ẽbẽrarã iyi ode bʼaira edaʉde bedʼea zromata ũdudaita yi mebẽrãi (Mateo 10:32-​36). Nebʉrabari Will Durantba jara ũrĩbisi Romanebemaba zokʼabaside jarasida «ẽbẽrarãbara amaepanʉta ãyi mebẽrãra Jesu kʼaidu babari bʼaita».a Idi ewade Jeowa ʉ̃rʉ Kʼawuabipanʉrãta mawũã jarapanʉ. Mamina, ¿wãrĩnu Jeowa ʉ̃rʉ Kʼawuabipanʉrãbʉrʉ mawũã bedʼea zroma ũdubibʉka ẽbẽrane?

Ewari aba ʉ̃kʉrʉ ẽbẽraba jarasi Jeowa ʉ̃rʉ Kʼawuabipanʉrãbara mebẽrãrata jĩga babibarita, maʉ̃ ʉ̃rʉ Tribunal Europeo de Derechos Humanosba jarasi, edaʉde oseabʉ yi Daizeze odebʉ ẽ bʉrʉ ũdubibʉta bedʼea zromara «wawiata ũdubi ẽ baera akʉza ĩjã ẽ baera yi mebẽrãnebemaba Daizeze ʉ̃rʉ kʼawuamarẽã». Akʉza jarasi: «Naʉ̃ra berabaribʉ badu religione iwãbʉrʉsida, Jeowa ʉ̃rʉ Kʼawuabipanʉrãnebida eda».b Mamina dai Jeowa ʉ̃rʉ Kʼawuabipanʉrãbara bedʼea zroma ũdubʉmina, zarea opanʉ naʉ̃ testoba jarabʉ kĩrãkʼa oita: «Nemititata abarika orãra. [...] Oseapanʉbʉrʉ, maraba kʼãrẽ oseabʉta oidua jõmaʉ̃bawara nenẽãpanaita» (Romanos 12:17, 18).

¿Kʼãrẽa ĩjãpanʉ Jeowa ʉ̃rʉ Kʼawuabipanʉrãbara abarika Daizeze odebʉmebʉrʉ juwa jidaibarata?

Daizeze Bedʼeaba jarabʉ «Daizeze ode bʉmebʉrʉ» juwa jidaibarata, maʉ̃ba jarakĩrãbʉ juwa jidaibarata abarika Daizeze odebʉmebʉrʉ (1 Corintios 7:​39). Daizezeba mawũã jaradaba mejãcha kʼarebabʉ. Bari jaradaita, rebista Journal of Marriage and Family 2010debemaba jarasi «juwa jidapanʉra iyabaʉ religionebʉta nekʼãrẽ abarika opanʉta akʉza ãya ĩjãbʉra iyabaʉ, maʉ̃rãra audre biapanʉ».c

Mamina Jeowa ʉ̃rʉ Kʼawuabipanʉrãbara miõ jara ẽ yi kimata idubumarẽã Daizeze odebʉ ẽ bʉrʉ. Daizeze Bedʼeaba jarabʉ: «Yumakẽrã abaʉba erbʉbʉrʉ kima Daizeze odebʉ ẽãta, mamina maʉ̃ yuwẽrãta iyiʉ̃me bakĩrãbʉbʉrʉ, idubʉrãra. Yuwẽrãbida yi kima Daizeze odebʉ ẽãta erbʉbʉrʉ, mamina yumakẽrãta iyiʉ̃me bakĩrãbʉbʉrʉ, idubʉrãra» (1 Corintios 7:12, 13). Naʉ̃ testoba jara ũrĩbibʉra daibara opanʉ.