¿Nesidapanʉka religion erbaita?

¿Daizeze Bedʼeaba panʉbʉta?

Mawũã, Daizezebara kãgabʉ ẽbẽrarãra ãba yi jʉredamarẽã. Daizeze Bedʼeaba jarabʉ: «Krĩchaidua mayirai kʼarebaita akʉza kãgaita, adewara nebia oita, idubʉraidua ãba yi jʉrepanʉta» (Hebreos 10:24, 25).

Jesuba jarasi iyi kʼaidubemarãra ãbabasita, iya jarasi: «Mawũãtrʉ jõmaʉ̃ba kʼawuadayi marara mʉ̃ kʼaidubemarata, mayirainʉ yiya kãgapanʉbʉrʉ» (Juan 13:35). Jesu kʼaidubemaraba maʉ̃ ũdubita, ãbabaibarabasi. Ãyira kongregasionebaibarabasi, mawũã Jeowaʼa ãbaʉba yiwidʼita (1 Corintios 16:19). Mawũã ãba mebẽrã kĩrãkʼa panaita (1 Pedro 2:17).

Bari religione eda ba ẽ baibara

Daizeze Bedʼeabara ũdubibʉ ãba yi jʉrebaibarata Daizezeʼa yiwidʼita. Mamina Daizeze Bedʼeaba jara ẽ religione edachuba Daizezeba kãgabʉta obʉta. Awuarabʉrʉ iyi religione kʼawua wãta wãrĩnu oũdubibarara. Bari jaraita, Daizeze Bedʼeaba jarabʉ: «Daizezebara kãgabʉ jaigʉa neẽã iyaʼa yiwidʼidamarẽã kʼãwũã: jẽrãmara akʉita akʉza pẽdrata ãyi zʉbʉriabʉrʉde adewara naʉ̃ drʉaba nekayirua obʉ kĩrãkʼa oẽã» (Santiago 1:27, nota).