¿Kʼãrẽta waebʉ mebẽrã bawarã zobia baira?

DAIZEZE BEDʼEABA JARABɄTA

«Daizeze Bedʼea ũrĩ panʉrãra zobia panʉ, akʉza iyi bedʼea wagabʉrãra» (Lucas 11:28, DB).

DAYIRÃRA SÃWŨÃ KʼAREBABɄ NAɄ̃ KʼAWUAIBARA

Ũdudayi wãrĩnu yi kãgaita (Efesios 5:28, 29).

Erpanañi wãrĩnu wawiata (Efesios 5:33).

Wãrĩnu nene ẽa panañi (Marcos 10:6-9).

¿WÃRĨNU ĨJÃSEA BɄKA DAYIRÃBARA DAIZEZE BEDʼEARA?

Mawũã, bedʼea ũmebʉ:

• Daizezeba osi mebẽrãra. Daizeze Bedʼeba jarabʉ «mebẽrã jõma [...] debe panʉta» Jeowa (Efesios 3:14, 15). Mebẽrãrabʉ Jeowaba parasi baera. ¿Kʼãrẽa biga maʉ̃ kʼawuaira?

  Krĩchara naʉ̃ta: bʉa kobayi yiko warrata bʉa sãwũã warra oda kʼawuaira, ¿kʼaia widipe? Bʉmabida widiyi yi oda.

  Abʼarikabʉ, dayirãba kʼawua kĩrabʉ bʉrʉ dayirã mebẽrã bawarã sãwũã zobia baita, audre biga bayi Jeowa widita iya oda baera (Génesis 2:18-24).

• Daizezebara dayirãra krĩchabʉ. Mebẽrãbara jʉrʉpanʉ Daizeze Bedʼeade ũrãgʼa bia diabʉta Jeowaba. ¿Kʼãrẽa? «Iya dayirã krĩchabʉ baera» (1 Pedro 5:6, 7). Jeowabara kãgabʉ dayirã mejãchade bia ba marẽã, ewari jõmaʉ̃nẽ ũrãgʼabʉ iyi bedʼea deba (Proverbios 3:5, 6; Isaías 48:17, 18).