Pablo akʉza Timoteo

Timoteora warrarabasi akʉza kongregasion Listradebemabasi. Yi zezera griegobasi, waya yi papara judiabasi, yi trʉ̃ra Eunicebasi akʉza yi payora trʉ̃ra Loida basi. Ãyara Timoteo warraraenaʉba Jeowa ʉ̃rʉ jaradiabasi.

Pablo Listraeda jʉ̃ẽsidera ũdusi Timoteobara mebẽrãra kongregasionebemara mejãcha kãgabasita, adewara kʼarebabasita. Maʉ̃ kʼarea widisi Timoteoʼa iyi kʼaidu jaradiade wãkĩrãbʉ kʼawuaita. Pablobara jaradiasi Timoteoʼa sãwũã nejaradiabari bia bʼaita.

Pablo akʉza Timoteo wãbʉrʉmae Daizeze jaure zareaba kʼarebabasi ãyira. Ewari aba diamasi Daizezebara ũdubisi yumakẽrã abaʉba jarabʉta Pabloʼa wãmarẽã Macedoniaena kʼarebaita. Pablota, Timoteota, Silasta akʉza Lucasta wãsi maʉ̃ pʉwʉrʉeda Daizeze ʉ̃rʉ jaradiaita, mawũã kʼarebasida kongregasion yiwidi oita.

Macedoniane basi Tesalónica pʉwʉrʉta, mama ʉ̃kʉrʉ wẽrãrata akʉza yumakẽrãrata kristianorabasi. Maʉ̃ne ʉ̃kʉrʉ judiorabara kãga ẽ basi Pablota akʉza iyi neũdukʼawuarata. Maʉ̃ kʼarea ẽbẽra kayiruaraba edesida Pablota akʉza iyi kʼaidupananarata nokʼora nãã. Judiorãra mejãcha jʉrapanasi: «¡Naʉ̃ra yumakẽrãra nokʼo Romanebema nejʉrara!». Pablota Timoteoʉ̃mera bebʉdebasi baera, diamasi wãibarabasi pʉwʉrʉ Bereaeda.

Ẽbẽrarã Bereadebemabara mejãcha ũrĩkĩrãpanasi Daizeze ʉ̃rʉ, maʉ̃ kʼarea judiorata akʉza griegorata mejãcha Daizeze ode wãsi. Mamina ʉ̃kʉrʉ judiora Tesalónicadebemata Pabloʉ̃me yõ jʉrʉ zesi, maʉ̃ kʼarea wãsi Pablora Atenasʼena. Timoteota akʉza Silasta Bereade basi mebẽrã kʼarebaita. Mebẽrã Tesalónicadebemarãra mejãcha pẽwãbarabasida, maʉ̃ kʼarea Pablobara Timoteota zokʼa bʉesi mebẽrãta so zarea diamarẽã. Maʉ̃are Pablobara Timoteota zokʼa bʉesi kongregasion biobʉta so zarea diamarẽã.

Pabloba jarasi Timoteoʼa: «Jeowa ode bakĩrãbʉrãra kʼaidu pẽwãnañi». Timoteosida Daizeze odebʉ baera, kʼaidu pẽwã kʼãrãpe ibalbʉesida karselde, mawũãsidu Timoteora sobiabasi. Iya mawũã ũdubibasi Jeowaʉ̃me kʼẽrẽpabʉta iyi sãwũã berabarinʉmʉinʉ.

Pablobara pilipensera bʉsi: «Mʉ̃a zokʼayi Timoteota marama, maraʼa jaradiamarẽã sãwũã bʼaibarata Daizeze odebʉrãra. Adewara jaradiamarẽã sãwũã jaradia kʼawuaibarata». Pablobara wãrĩnu ĩjãbasi Timoteo ʉ̃rʉra. Ãyira poaga biobayeda ãbapanasi akʉza neũdukʼawua biabasi.