YI 25
¿Daizezebara kʼãrẽta kãgabʉ dayirãitara?
Daizeze Bedʼeaba jarabʉ ẽbẽrarã «ewari wĩkabʉ akʉza bedʼea zromanebʉ» (Job 14:1). Mamina, ¿Daizezebara dayirã mawũã bamarẽã kãgabʉka? Maʉ̃ta mawũã ẽ bʉrʉ, ¿sãwũã bamarẽã kãgabʉ? ¿Maʉ̃ra aripe berabarika? Akʉra kʼaseabʉta Daizeze Bedʼeaba maʉ̃ ʉ̃rʉ.
1. ¿Sãwũã bamarẽã kãgabʉ Daizezebara dayirãra?
Jeowabara kãgabʉ dayirãra bia panamarẽã. Jeowaba nããbema ẽbẽrarã parãsidera bʉsi ẽjũã kĩrãwãreãnẽ, maʉ̃ra Edénbasi. Mõbe «Daizezebara jarasi todamarẽã naʉ̃ drʉa jõma wũãwũãraba birayieda akʉza trajamarẽã» (Génesis 1:28). Jeowaba kãgabasi wũãwũã todamarẽã, naʉ̃ Drʉata ẽjũã kĩrãwãreã babidamarẽã akʉza nedʉwʉrʉrata akʉmarẽã. Iya kãgabasi ẽbẽrarãra bia panamarẽã, kʼãrẽ kaya neẽã akʉza bei ẽã.
Maʉ̃ oze ẽ basimina,a Daizezeba krĩchadara awuara krĩchabʉ ẽ (Isaías 46:10, 11). Iyara kãgabʉ ẽbẽrarã iyi bedʼea ũrĩpanʉrãra ewari jõmaʉ̃nẽ panamarẽã kʼãrẽ kaya neẽã (akʉra Apocalipsis 21:3, 4).
2. ¿Dayirã bebʉra sãwũã sobiabaseabʉ idira?
Jeowabara parãsi iyi ʉ̃rʉ krĩchadamarẽã akʉza iyabʉrʉ yiwidʼidamarẽã maʉ̃ karea «Daizezedebema audre kʼawuakĩrãpanʉta» (Mateo 5:3-6). Daizezebara iyiʉ̃me neũdukʼawua bamarẽã kãgabʉ, iya kãgabʉ «wawiadamarẽã, iyi ode wãmarẽã, kãgamarẽã» adewara dayi sodeba omarẽã iya kãgabʉta (Deuteronomio 10:12; Salmo 25:14). Maʉ̃ta odara sobiapanañi bedʼea zroma ũdubʉmina. Jeowaba kãgabʉ obʉde sobiapanʉ iyita sobiabibʉ baera.
AUDRE BIʼIA KʼAWUADADRɄ
Akʉdadrʉ sãwũã Jeowaba kãga ũdubisita dayirã naʉ̃ Drʉa parãnaneba akʉza sãwũã iyi Bedʼeaba jaradiabʉta kʼãrẽa dayirãra parãsita.
3. Jeowabara kãgabʉ ẽbẽrarãra kʼãbãẽã sobiapanamarẽã
Akʉra BIDEOTA, mõbe naʉ̃ta panʉidua:
¿Kʼãrẽa parãsi Daizezebara naʉ̃ Drʉa biʼia bʉra?
Akʉra Eclesiastés 3:11, mõbe naʉ̃ta panʉidua:
¿Naʉ̃ba kʼãrẽta jaradiabʉ Jeowa ʉ̃rʉ?
4. Jeowaba iya krĩchabʉra ariyabʉ
Akʉra Salmo 37:11, 29 akʉza Isaías 55:11, mõbe naʉ̃ta panʉidua:
¿Sãwũã kʼawuapanʉ Jeowaba dayirãita krĩchadara awuara krĩcha ẽãta?
De sobe sobekabʉra jẽda ara oseabʉ, maʉ̃ kĩrãkʼabʉ naʉ̃ drʉata ẽbẽrarãba ãrĩ wãta, mamina Daizezebara jẽda ara oyi naʉ̃ drʉara ẽbẽrarãta panamarẽã.
5. Jeowaba jarabʉ obʉba arigʉ sobiabibʉ
Kʼawuapanʉne Jeowaba kʼãrẽa parãnata maʉ̃ba sobiabibʉ. Akʉra BIDEOTA, mõbe naʉ̃ta panʉidua:
¿Sãwũã kʼarebasi Terumira kʼawuaita kʼãrẽabʉta naʉ̃ drʉade?
Akʉra Eclesiastés 12:13, mõbe naʉ̃ta panʉidua:
Jeowaba dayirã kʼãwũã oda kʼarea, ¿kʼãrẽta oibara biga diaita?
Ʉ̃KɄRɄBA WIDIPANɄTA: «¿Kʼãrẽa nama panʉ dayirãra? ¿Kʼãrẽa tosida dayirãra?».
¿Bʉara kʼãrẽta panʉĩ?
KĨRÃBEITA
Jeowabara kãgabasi ẽbẽrarãra bia panamarẽã, kʼãrẽ kaya neẽã ewari jõmaʉ̃nẽ. Idi ewade dayirãba Jeowaba jarabʉta opanʉbʉrʉ soiduba sobiapanañi.
Panʉnadrʉ
¿Jeowaba Adán Evaʉ̃me parãside sãwũã bamarẽã kãgabasi?
¿Sãwũã kʼawuapanʉ Daizezeba ẽbẽrarãita krĩchadara awuara krĩchabʉ ẽãta?
¿Kʼãrẽta oibara bʉara sobia bʼaira?
JɄRɄDA AUDRE KʼAWUAITA
Akʉra kʼãrẽa wãrĩnu ĩjãsepanʉta drʉa Edénʼra wãrĩnu basita.
«Edén drʉara, ¿wãrĩnu basika mawũã ẽ bʉrʉ bari nebʉraka? (Jarakabʉ, 1ne enerode 2011de)
Akʉra kʼãrẽa kʼawuapanʉta wãrĩnu naʉ̃ Drʉara ãrĩ wã ẽ baita.
Akʉra Daizeze Bedʼeaba kʼãrẽta jarabʉta naʉ̃ Drʉade kʼãrẽa panʉ ʉ̃rʉ.
Akʉra yumakẽrã abaʉba krĩchabasi iya nekʼãrẽ jõma erbʉta, mamina iya kʼawuasi nekʼãrẽ aba waebʉta.